AGASHYA: Umwana w’umukobwa yatunguye abitabiriye Yubile ya Seminari ya Ndera, yinjira mu mutambagiro w’abapadiri

Uyu mwana yagaragaye mu mutambagiro w’abapadiri nyuma y’ Igitambo cya Misa cyo guhimbaza iyi Yubile, cyatuwe na Nyiricyubahiro Antoine Karidinali Kambanda, Arkiyepiskopi wa Kigali, kuri iki Cyumweru tariki ya 18 Ukwakira 2026.

Icyatunguranye ni uburyo uyu mwana yari yambaye ikanzu y’umweru isa n’imyambaro y’abapadiri, ku buryo ubwo yagaragaraga muri uwo mutambagiro, abari bitabiriye ibi birori bamwitayeho, bamwe batungurwa no kubona umwana muto asa n’abari mu mutambagiro.

Mu gihe abapadiri bari bambaye amakanzu yabo y’umweru n’ibishura biranga uwo mutambagiro, uyu mwana na we yagaragaye yambaye ikanzu y’umweru ifite ishusho isa n’iy’imyambaro yabo. Yari ari imbere y’abapadiri, agenda na bo mu mutambagiro, bituma aba umwe mu bantu bakuruye amaso y’abari aho.

Abari bitabiriye ibi birori batangajwe n’ukuntu uyu mwana yagaragaye asa n’abapadiri, ndetse bamwe bibaza uko yatekereje kwambara mu buryo busa n’ubwabo, akaza no kubasanga mu mutambagiro wabo.

Nubwo ibirori byari byitabiriwe n’abayobozi ba Kiliziya, abapadiri, abahoze biga muri iyi seminari, abaseminari bayigamo ubu n’abandi bashyitsi, uyu mwana na we yabaye umwe mu byagarutsweho kubera ukuntu yagaragaye mu mutambagiro w’abapadiri.

Iyi shusho y’umwana muto ugenda mu mutambagiro ari mu myambaro isa n’iy’abapadiri yongeye kugaragaza ko no mu birori bikomeye nk’ibi, hashobora kubamo utuntu duto dutungura abantu, tukababibamo ibyishimo no kubyibukiraho.

Yubile y’imyaka 50 ya Seminari nto ya Ndera yari umwanya wo gushimira Imana ku rugendo rw’iki kigo cyashinzwe mu 1976, kikaba cyaragize uruhare mu gutegura abasore benshi bagiye mu busaserdoti no mu zindi nshingano zo gukorera Kiliziya n’igihugu. Ariko muri uwo mutambagiro, uyu mwana w’umukobwa na we yigaragaje nk’agashya katari kateganyijwe na benshi, bituma aba mu byatumye abitabiriye ibirori bamwitegereza by’umwihariko