Inyigisho n'ibitekerezo / Mu Rwanda
Ni irihe banga rigeza umuntu ku Butagatifu?
Abatagatifu bose babaye kuri iyi si bitegura kuyivaho neza. Bariteguye koko kuko bakoreye Imana uko byari bikwiye. Bumvise neza ko Imana ari yo yabahaye kubaho kuri iyi si. Bishimiye cyane Umwana wayo Yezu Kirisitu waberetse neza aho ubuzima bwabo bugana. Bitoje kumukurikiza nk’Inzira nziza, Ukuri n’Ubugingo. Ntibatewe ubwoba no kuva kuri iyi si. Bahoraga bifuza kuzagera mu ijuru. Bakoreye Imana batanga urugero rwiza mu bandi. Nta kindi Imana idutegerejeho kitari ukuyimenya no kuyimenyesha abandi. Ni ko gukorera Imana by’ukuri.
Padiri Cyprien BIZIMANA
·
31 Ukwakira 2023