Aheruka
Yanditse inkuru 6 kuri Kinyamateka. Kuva 01 Kanama 2026 kugeza 11 Ugushyingo 2026.
Zerekanwe 6 muri 6
Papa Leo XIV yavuye mu gihugu cya Argentine yerekeza muri Peru, aho agiye gukomereza urugendo rwe rwa gitumwa muri Amerika y’Amajyepfo, rukaba ari na rwo rugendo rwa gatatu kandi rwa nyuma mu bihugu bitatu byo muri ako karere.
Papa Leo XIV yemeye ubwegure bwa Musenyeri José Lampra Cá, wari Umushumba wa Diyosezi Gatolika ya Bissau muri Guinée-Bissau kuva mu Kuboza 2021, ashyiraho Myr Víctor Luís Quematcha wari usanzwe ayoboye Diyosezi ya Bafatá, kugira ngo amusimbure.
Inama y’Abepiskopi Gatolika bo muri Afurika na Madagascar (SECAM) yashyizeho Komisiyo ishinzwe uburezi Gatolika ku rwego rw’umugabane wa Afurika, inagena Myr Joseph Afrifah-Agyekum, Umwepiskopi wa Diyosezi ya Koforidua muri Ghana kuba perezida wayo.
Abantu bagera kuri miliyoni 2.5 bitabiriye Misa yayobowe na Papa Leo XIV mu mujyi wa Buenos Aires, mu murwa mukuru wa Argentina, nk’uko inzego za polisi zabitangaje. Ni igikorwa cyitabiriwe n’abakirisitu benshi baturutse mu bice bitandukanye by’icyo gihugu, bamwe bakaba baraye aho igikorwa cyagombaga kubera kugira ngo babone umwanya mwiza wo kureba Umushumba wa Kiliziya Gatolika ku Isi.
Ishuri Ryisumbuye rya Nyange ryaragijwe Mutagatifu Yozefu riramenyesha abantu bose babyifuza ko rishaka gutanga isoko ryo kugemura ibiribwa rusange, ibikoresho byo mu biro n'ibikoresho by'isuku bizakoreshwa mu gihembwe cya mbere cy'umwaka w'amashuri wa 2026–2027. Abifuza gupiganira iri soko basabwe kugeza amabaruwa yabo akubiyemo ibisabwa mu bunyamabanga bw'ishuri bitarenze ku wa Gatanu, tariki ya 21 Kanama 2026, saa yine za mu gitondo (10:00), mu gihe gufungura ayo mabaruwa bizakorerwa mu ruhame uwo munsi saa yine n'igice (10:30) Abifuza ibindi bisobanuro babisanga mu gitabo cy'amasoko kiboneka ku bunyamabanga bw'ishuri nyuma yo kwishyura amafaranga y'u Rwanda ibihumbi icumi (10,000 Frw) kuri imwe muri konti z'ishuri, ari yo 512363102110185 (E.S.P. Nyange) iri muri Banki y'Abaturage y'u Rwanda (BPR) cyangwa 72914 (E.S. Nyange) iri muri Umwalimu SACCO. Iri tangazo ryashyizweho umukono n'Umuyobozi w'Ishuri, Padiri René Claude Hakizimana, rikaba ryarakorewe i Nyange ku wa 21 Nyakanga 2026.
Ubuyobozi bwa College Apejerwa Nyange TSS, iherereye mu Karere ka Ngororero, buramenyesha amakoperative n'abandi bacuruzi babyifuza ko bwatangije ipiganwa ry'isoko ryo kugemura ibiribwa by'abanyeshuri, inkwi zo gucana ndetse n'ibikoresho byo mu biro n'iby'ishuri bizakoreshwa mu mwaka w'amashuri wa 2026–2027. Igitabo gikubiyemo amabwiriza agenga iri soko kizaboneka ku bunyamabanga bw'ishuri kuva ku wa 31 Nyakanga 2026 kugeza ku wa 21 Kanama 2026 saa 09h00 za mu gitondo. Abifuza gupiganira iri soko bazasabwa kuba bafite Declaration igaragaza ko bishyuye amafaranga y'ipiganwa angana na Frw 10,000, yishyurwa kuri konti ya Rwanda Revenue Authority (RRA). Inyandiko zisaba gupiganira iri soko zizakirwa ku bunyamabanga bw'ishuri kugeza ku wa 21 Kanama 2026 saa 09h00, naho igikorwa cyo gufungura amabahasha ku mugaragaro kikazaba kuri uwo munsi saa 09h30 ku cyicaro cy'ishuri.
