Kinyamateka
Amamariza hano Advertise here
Kinyamateka
Aheruka
Papa Leo XIV yasabye Abanyaburayi guhitamo impuhwe n’urukundo aho kwihorera Papa Leo XIV i Metz: “Ibiganiro hagati y’amadini ntibihungabanya ukwemera kwa buri muntu” Kuki Abepiskopi bongeye gushimangira gukurikirana amasekuru y’abagiye guhana Isakramentu ry’Ugushyingirwa? Papa Leo XIV yifatanyije n’ibihumbi by’abakirisitu mu isengesho rya Rozari i Lourdes Papa Leo XIV yasengeye i Lourdes ashyira igihugu cy’u Bufaransa n’abagituye mu maboko ya Bikira Mariya “Imana ni yo isubiza inyota iri mu mutima wa buri muntu, ”Papa Leo XIV
Kiliziya

Ababikira batatu bavuka muri paruwasi imwe bakoreye rimwe amasezerano ya burundu mu muryango w'Ababenedigitine

Kuri uyu wa 10 Gashyantare 2023, Ababikira bane barimo batatu bavuka muri paruwasi ya Nkanka Diyosezi ya Cyangugu bakoze amasezerano ya burundu mu muryango w'Ababenedigitine naho umwe yizihiza Yubile y'imyaka 50.

MJ Marie Jeanne Umutoni 10 Gashyantare 2023 · 2 min yo gusoma ·Mu Rwanda
Ababikira batatu bavuka muri paruwasi imwe bakoreye rimwe amasezerano ya burundu mu muryango w'Ababenedigitine
Ababikira batatu bavuka muri paruwasi imwe bakoreye rimwe amasezerano ya burundu mu muryango w'Ababenedigitine

Ni ibirori byabereye muri Monastere y'i Sovu muri diyosezi ya Butare, biyoborwa na Musenyeri Filipo Rukamba, Umwepiskopi wa Butare wari kumwe na Myr Alexis Habiyambere n'Umukuru w'umuryango w'Abashanuwane ba Mutagatifu Agusitini.

Batatu muri aba babikira bakoze amasezerano ya burundu bose bakomoka muri paruwasi ya Nkanka diyosezi ya Cyangugu. Abo ni Mama Vestine MUKAMANA, Mama Alexiane BAKUNZIBAKE na Mama Mariya Sesiriya MUREKATETE.

Uwa kane wakoze amasezerano ya burundu mu muryango w'Ababenedigitine ni Mama Fortunata MUKASHYAKA wo muri Diyosezi ya Nyundo paruwasi ya Kavumu.

Umwe mu bakoze amasezerano ya Burundu mu izina rya bagenzi be, yashimiye ababyeyi babo babareze neza, bakabatoza ubukirisitu kuko ari byo byabafashije kuba bageze kuri iyi ntambwe. Yashimiye kandi umuryango w'Ababenedigitine wabakiriye, ukabarera n'undi wese wagize uruhare mu rugendo rw'umuhamagaro wabo.

Muri ibi birori kandi Mama Scholastique MUKANGIRA wo muri Diyosezi ya Kibungo Paruwasi ya Zaza yahimbaje yubile y'imyaka 50 amaze yiyeguriye Imana. Mama Scholastique yakoze amasezerano ya mbere muri uyu muryango mu mwaka wa 1973. Naho amasezerano ya Burundu ayakore tariki 10 Gashyantare 1976.

Umukuru w'umuryango w'Ababenedigitine, Immacule Umubyeyi yasabye abakoze amasezerano ya burundu gukomera ku masezerano mu budahemuka anabibutsa ko urugendo aribwo rutangiye ko batagomba kwirara ngo bakeke ko birangiye.

Uwavuze mu izina ry'ababyeyi b'ababikira bakoze amasezerano ya burundu yavuze ko nk'ababyeyi bishimiye icyemezo abana babo bafashe cyo kwegurira Imana ubuzima bwabo. Yashimiye kandi abakomeje kubaba hafi mu nzira bahisemo nk'abarezi, abapadri n'abandi bose babaye hafi. Yabasabye kurangwa n'ubufahemuka ku masezerano kugira ngo inzira bahisemo izahore ifunguye maze hazaboneke na barumuna babo babagwa mu ntege.

Musenyeri Filipo Rukamba, Umwepiskopi wa Butare ni we wayoboye umuhango w'amasezerano ya Burundu na Yubile mu muryango w'Ababenedigitine
Musenyeri Filipo Rukamba, Umwepiskopi wa Butare ni we wayoboye umuhango w'amasezerano ya Burundu na Yubile mu muryango w'Ababenedigitine
Ababikira bane barimo batatu bavuka muri paruwasi ya Nkanka ni bo bakoze amasezerano ya Burundu
Ababikira bane barimo batatu bavuka muri paruwasi ya Nkanka ni bo bakoze amasezerano ya Burundu
Mama Scholastique Mukangira wo muri Paruwasi ya Zaza yakoze amasezerano yahimbaje Yubile y'imyaka 50
Mama Scholastique Mukangira wo muri Paruwasi ya Zaza yakoze amasezerano yahimbaje Yubile y'imyaka 50
Myr Alexis Habiyambere, Umwepiskopi wa diyosezi ya Nyundo uri mu kiruhuko, yitabiriye ibirori by'amasezerano ya Burundu na Yubile mu muryango w'Ababenedigitine
Myr Alexis Habiyambere, Umwepiskopi wa diyosezi ya Nyundo uri mu kiruhuko, yitabiriye ibirori by'amasezerano ya Burundu na Yubile mu muryango w'Ababenedigitine
Père Abbe Hugues Paulze dívoy, Umuyobozi mukuru w'Abashanuwani [chanoines] ba Mutagatifu Agusitini uri mu ruzinduko muri Paruwasi ya Simbi yifatanyije n'umuryango w'Ababenedigitine mu birori by'amasezerano ya Burundu na Yubile
Père Abbe Hugues Paulze dívoy, Umuyobozi mukuru w'Abashanuwani [chanoines] ba Mutagatifu Agusitini uri mu ruzinduko muri Paruwasi ya Simbi yifatanyije n'umuryango w'Ababenedigitine mu birori by'amasezerano ya Burundu na Yubile
Amamariza hano Menyekanisha ibikorwa byawe ku basomyi ba Kinyamateka Advertise here

Ibitekerezo (0)

KM

Ufite konti? Injira

  • Nta gitekerezo kirahaba. Ba uwa mbere utanga igitekerezo.

Izindi nkuru

Byose