BUTARE : PADIRI ERIC KAYISHEMA YARAGIJWE QUASI PARUWASI YA MUSHA

Mu nyigisho ye yasobanuriye abakirisitu ko Quasi Paruwasi igiye kubafasha kurushaho kwegera Imana, asaba abayiragijwe kumenya abakirisitu barwaye, abafite ibibazo bitandukanye n'abameze neza kugira ngo bamenye nabo ko bagomba gufatanya kuzamura Kiliziya, bakamenya kandi abana n'urubyiruko babatoza isengesho.

Yasabye ababyeyi guhuza abana kenshi kugira ngo ibibazo byose by'ubukirisitu bicyemuke kuko biri mu

Mu nyigisho ye yasobanuriye abakirisitu ko Quasi Paruwasi igiye kubafasha kurushaho kwegera Imana, asaba abayiragijwe kumenya abakirisitu barwaye, abafite ibibazo bitandukanye n'abameze neza kugira ngo bamenye nabo ko bagomba gufatanya kuzamura Kiliziya, bakamenya kandi abana n'urubyiruko babatoza isengesho.

Yasabye ababyeyi guhuza abana kenshi kugira ngo ibibazo byose by'ubukirisitu bicyemuke kuko biri mu nshingano zabo

Yabibukije kandi ko imbaraga za Kiliziya atari amafaranga yaba ifite cyangwa ibintu ahubwo ari abantu bayo ifite, kuko byaba ubukene cyangwa ubukire byose abantu bakwiye kubibanamo kugira ngo babashe kwerekana ubwiza bw'Imana.

Myr Filipo Rukamba kandi yeretse abakirisitu ba Quasi Paruwasi abazabafasha ari nabo baragijwe Quasi Paruwasi barangajwe imbere na Padiri Eric Kayishema usanzwe ukorera ubutumwa muri Paruwasi ya Byiza, aboneraho gusaba abakirisitu gutangira kwitoza kubaho nk'uko Paruwasi zibaho babasha kwitunga no gukomeza kwitegura neza kuko bari mu nzira igana kuri Paruwasi.

Padiri Eric Kayishema waragijwe Quasi Paruwasi ya Musha yavuze ko ari ibyishimo n'umugisha kuba bari kurushaho gutera intambwe bakura, ibyo bacyesha Imana umubyeyi wabo baronse binyuze mu biganza by'Umwepiskopi wabo Myr Filipo Rukamba.Yashimiye Umwepiskopi wabo uburyo abahora hafi bamusaba inkunga y'isenegsho kugira ngo bakomeze kumurikirwa na Roho Mutagatifu mu butumwa bakora.

Bamwe mu bakirisitu ba Quasi Paruwasi ya Musha, mu izina rya bagenzi babo bavuze ko bakomeje gufatanya mu kwiyubakira Kiliziya kugira ngo bazabashe no kuba Paruwasi ku buryo bwuzuye, bashimira Umwepiskopi wabo wemeye kubaha umupadiri uzabitaho akabafasha mu bikorwa by'iterambere, bavuga ko bagiye gukorana umurava no gushyiramo umuhate kugira ngo batazasubira inyuma ku ntambwe bateye, bizabafashe kugera ku rundi rwego rwo kugirwa Paruwasi.

Bavuze ko kandi bari mu mushinga wo kwagura no kuvugurura inyubako ya Quasi Paruwasi kugira ngo abakirisitu bose bajye babasha gusengera mu Kiliziya kuko iyo bafite ubu ari ntoya.

Umunyamabanga Nshingwabikorwa w'Umurenge wa Musha Murenzi Augustin, wifatanyije niyi Quasi Paruwasi yavuze ko mu izina ry'ubuyobozi bwite bwa leta, bashimira Myr Filipo Rukamba uburyo bakomeza gufatanya kugira ngo abantu barusheho kugira ubuzima bwiza, kuko ibikorwaremezo byose babona bidahagije ahubwo ikingenzi ari umutima.

Avuga ko ko ikintu gikomeye bifuza ari uko Quasi Paruwasi yatekerezwa byihariye cyane ko Umurenge wa Musha ari umwe mu mirenge ifite amahirwe menshi ugereranyije n'indi mirenge igize akarere ka Gisagara, avuga ko bishimiye urwego iyi Santarali igezeho bizeye ko bazagera no ku y'indi ntambwe ikazagirwa Paruwasi.

Padiri Mukuru wa Paruwasi ya Byiza Padiri Innocent Nshimiyimana, yashimiye Umwepiskopi wabo, avuga ko iyi Quasi Paruwasi ya Musha ari Santarali ifite imbaraga, umuhate n'ubushake bwo kwiyubakira Kilizya abasaba kudacika intege berekana ko bafite ubushobozi bw'uko bakwiye kuba Paruwasi.

Santarali ya Musha yagizwe Quasi Paruwasi ibarizwa muri Paruwasi ya Byiza, Ifite uturere twubutumwa 5, Imiryango Remezo 28, ikaba ifite ingo z'abakristu zirenga 1500.

Amateka agaragaza ko yubatswe mu 1970 n'Abapadiri b'Abamisiyoneri bakoreraga ubutumwa muri Paruwasi ya Gakoma iyi Santarali yabarizwagamo icyo gihe, yubatswe na Padri CREPE, Muri 1972 nibwo Padiri Longval yongeye kubaka urugo, amacumbi n'amashuri y'ibibeho ibyagiye bigabanya ingendo bakoraga bajya kuri Paruwasi. Abakristu ba mbere babatijwe mu 1975.