DRC: Arkidiyosezi ya Bukavu iri guhimbaza imyaka 21 Mgr François Maroy, amaze ari umushumba wayo

Igitambo cya Misa cyabereye muri Katedrali Notre-Dame de la Paix ya Bukavu, cyitabiriwe n’abakristu benshi, abapadiri, abihayimana n’abandi banyacyubahiro bo mu buzima bw'iyi Arkidiyosezi. Musenyeri Maroy, Arikiyepiskopi wa Bukavu, ni we wayoboye iyo Misa yo gushimira Imana, atanga n’ubutumwa bukomeye bushingiye ku bibazo by’umutekano bikomeje kwibasira Uburasirazuba bw’igihugu.

Mu nyigisho ye, Musenyeri Maroy yagarutse ku kibazo cy’ubuyobozi budaharanira inyungu rusange, asaba abayobozi kurangwa n’umutima wo gukorera abandi aho gushakisha ubukire n’icyubahiro. Yashishikarije abakristu kwitonda mu mahitamo yabo, agira ati “Akenshi turababara kuko duhitamo inshuti aho guhitamo abayobozi nyabo.”

Yashimangiye ko umuti w’ibibazo byugarije sosiyete ari ubumwe, ubuvandimwe no kwirinda ivangura rishingiye ku moko, kugira ngo hubakwe imiryango na sosiyete byunze ubumwe kandi byiyubashye.

Musenyeri Maroy yashimiye kandi abakristu bose ku masengesho n’inkunga bakomeje kumuha mu myaka isaga makumyabiri amaze akorera Kiliziya. Yibukije ko ubutumwa bwe abusohoza “mu kumvira Imana no gukorera umuryango yahawe kuyobora”, anahamagarira buri wese gukomeza kugira uruhare mu kubaka no guteza imbere Arkidiyosezi ya Bukavu.

Musenyeri François-Xavier Maroy Rusengo yavukiye i Bukavu mu 1956, agirwa padiri mu 1984, anagirwa Arikiyepiskopi mu 2006. Uyu munsi afatwa nk’imwe mu nkingi z’ijwi rivugira abaciye bugufi muri Kivu y’Epfo, akomeje kandi gutanga icyizere n’ihumure mu bihe bikomeye by’umutekano mucye.

Nyuma y’imyaka 21 amaze ari Umwepiskopi, Musenyeri François-Xavier Maroy Rusengo aracyari umucyo, umuhuza n’umugaragu w’Imana, akomeza kuyobora abantu mu nzira y’amahoro, ubumwe no guhindura imitima

Baganiriye ku ruhare rwa Kiliziya mu burezi, mu buvuzi no mu iterambere ry’imibereho n’umuco by’abaturage. Perezida yanahuye n’Umunyamabanga wa Vatikani ushinzwe umubano n’ibihugu, Musenyeri Paul Richard Gallagher, bashima umubano mwiza uri hagati ya Vatikani na Gineya Ekwatoriyali.

Icyakora, Kiliziya ikorera mu gihugu gifite amateka y’ubutegetsi bumaze igihe kirekire, ubukungu bushingiye kuri peteroli n’ubusumbane bukigaragara, ibintu bizagira uruhare mu butumwa Papa azatanga.

________________________________________