DRC: Papa Léon wa XIV yagize Padiri Jean-Marie Musul Musas Umwepiskopi Wungirije wa Arkidiyosezi ya Lubumbashi

Ibi byatangajwe ku mugaragaro n’Inama y’Abepiskopi Gatolika muri Congo, CENCO, kuri uyu wa 15 Mata 2026 binyuze mu itangazo ryasokokeye I Kinshasa ryashyizweho umukono n’Umunyamabanga Mukuru wayo Myr Donatien Nshole .

Nk’uko iri tangazo ribivuga, Padiri Jean-Marie Musul Musas yagizwe Umwepiskopi Wungirije wa Lubumbashi, anahabwa intebe y’icyubahiro ya Satafis. Mbere yo kugirirwa iki cyizere, yari asanzwe ari Umunyamabanga Mukuru ushinzwe ubuyobozi (Chancelier) muri Arkidiyosezi ya Lubumbashi.

Inama y’Abepiskopi Gatolika muri Repubulika Iharanira Demokarasi ya Congo CENCO, yagaragaje ko yishimiye cyane aya makuru, inashimira Papa ku cyizere yagiriye Padiri Musas, ndetse imwifuriza kuzagira ubutumwa bwiza bwa gishumba mu Kiliziya.

Mu butumwa bwayo, CENCO yagize iti “Turashimira Nyirubutungane Papa Léon XIV kuri iri genwa, tunifuriza Nyiricyubahiro Musenyeri mushya umurimo mwiza mu murimo w’Imana muri Arkidiyosezi ya Lubumbashi.”

Iyi nkuru yakiriwe neza n’abakristu ba Lubumbashi ndetse n’abo muri Congo muri rusange, bitewe n’icyizere bagirira ubuyobozi bushya mu gukomeza kubaka Kiliziya