Imyiteguro ya forumu y'urubyiruko izabera i Kabgayi muri Kanama irarimbanyije
Kuva kuwa gatatu tariki ya 8 kugera kuwa kane tariki ya 9 Kamena 2022, Muri Hoteli Saint Andre Kabgayi, muri Diyosezi ya Kabgayi, hateraniye inama y’ inteko rusange ya Komisiyo y’ Abepiskopi Ishinzwe Ikenurabushyo mu Rubyiruko. Mu byo iyi nama yagarutseho harimo imyiteguro ya Forumu y'igihugu y’urubyiruko izabera muri Diyosezi ya Kabgayi tariki 17-21 Kanama 2022.
Kuva kuwa gatatu tariki ya 8 kugera kuwa kane tariki ya 9 Kamena 2022, Muri Hoteli Saint –Andre Kabgayi, muri Diyosezi ya Kabgayi, hateraniye inama y’ inteko rusange ya Komisiyo y’ Abepiskopi Ishinzwe Ikenurabushyo mu Rubyiruko.Ni inama yari irimo urubyiruko ruhagarariye abandi buri Diyosezi, abapadiri bashinzwe urubyiruko muri Diyosezi, abahagarariye imiryango y’Agisiyo Gatolika ikorana n’ urubyiruko, abagize komite y’urubyiruko gatolika ku rwego rw’ igihugu ndetse na Biro ya komisiyo(CEPJ). Iyi nama yayobowe na Mgr Servilien NZAKAMWITA, akaba ari nawe Perezida wa komisiyo Abepiskopi Ishinzwe Ikenurabushyo mu Rubyiruko.
Nyuma y'ibitekerezo bitandukanye, hemejweko iyi forumu izaba kuva tariki ya 17-21/08/2022, ikitabirwa n’urubyiruko 1000, kandi buri Diyosezi igasohokana impuzankano (Umupira wabo ufite ibara bihariye), forumu izabera mu ishuri rya Marie Reine i Gitarama ni naho urubyiruko ruzacumbikirwa, naho abihayimana bazacumbikirwa mu ngo z’abihayimana. Umusanzu w’ umujeni uzitabira iyi forumu ni amafaranga ibihumbi umunani (8,000 Frw). Abazitabira forumu bazahabwa inyigisho n’abayobozi ba Kiliziya ndetse n’ ibiganiro n’abayobozi mu nzego za Leta bizajya bitangirwa muri Marie Reine aho urubyiruko ruzaba uretse ibikorwa bimwe na bimwe bizakorerwa muri Bazilika nto ya Kabgayi harimo nka Misa ifungura forumu ku mugaragaro, hazabamo kandi gushaka penetensiya, gushengerera, ibitaramo, imikino,anmarushanwa ndetse n’ imyidagaduro . Abazitabira forumu kandi basabwe kugera muri Marie reine kuva saa sita kugera saa kumi n’ imwe z’umugoroba wo kuwa 17/08/2022 kandi bakaza bipimishije Covid-19, bitwaje ibikoresho by’ isuku, iby’ubuyoboke, ibibarinda imbeho, ibyo kwandikamo, barikingije inking eshatu za Covid 19.
Mu gusoza hemeranyijwe ko buri Diyosezi izageza liste z’ urubyiruko n’ abihayimana bazitabira forumu bitarenze kuwa 15 Nyakanga 2022 hanashimirwa cyane Diyosezi ya Ruhengeli yo yamaze kugeza mu biro bya CEPJ liste y’abazitabira bose Forumu Nasiyonali.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
