“Papa Leo XIV yabazwe neza” Vatikani itangaje amakuru mashya ku buzima bwe
Nk’uko ibiro ntaramakuru bya Vatikani bibitangaza, Papa yasubiye mu cyumba cye mu Bitaro bya Gemelli biherereye i Roma, mu Butaliyani, nyuma yo kubagwa kandi bikaba byagenze neza.
Mu itangazo byashyize ahagaragara ku mugoroba wo kuri uyu wa Kabiri, tariki ya 13 Ukwakira, ibiro ntaramakuru bya Vatikani byagize biti “Kubagwa byarangiye neza, mu gihe cyari giteganyijwe kandi nk’uko byari byateguwe. Nyirubutungane yasubiye mu cyumba cye. Andi makuru azatangazwa mu gihe kiri imbere.”
Papa Leo XIV yabazwe kugira ngo akurwemo akabyimba gato kari mu bihaha, nk’uko amakuru yatangajwe na Vatikani abivuga.
Kubagwa kwe kwabereye mu Bitaro bya Gemelli, bizwiho kwakira no kuvura abarwayi bakomeye, birimo n’abayobozi bakuru ba Kiliziya Gatolika.
Kugeza ubu, ibiro ntaramakuru bya Vatikani byatangaje ko kubagwa byagenze neza, ariko ko andi makuru ajyanye n’uko ubuzima bwa Papa buhagaze azatangazwa nyuma.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
