Papa Leo XIV yaganiriye na Perezida Mahmoud Abbas ku ntambara yo mu Burasirazuba bwo hagati
Pape Leo XIV yagiranye ikiganiro kuri telefone na Perezida wa Palestine, Mahmoud Abbas ku bijyanye n’ibihe bikomeje kuba bibi mu ntambara yo mu Burasirazuba bwo hagati n’imibereho igoye abaturage ba Palestine barimo kunyuramo.
Nk’uko byatangajwe na Vatikani mu itangazo ryashyikirijwe itangazamakuru mu gitoindo cyo kuri uyu wa Mbere tariki ya 16 Werurwe 2026, Perezida Abbas yahamagaye Papa kugira ngo baganire ku iterambere rihangayikishije ry’amakimbirane ari mu karere ku Burasirazuba bwo hagati, ndetse n’ingaruka zikomeje kugera ku baturage ba Palestine.
Muri icyo kiganiro, Papa Leo XIV yongeye gushimangira ko bashyigikiye inzira y’amahoro ishingiye ku biganiro bya politiki n’ubuhuza bwa dipolomasi, ndetse no kubahiriza byimazeyo amategeko mpuzamahanga.
Itangazo ryasohowe n’Ibiro bya Vatican rishimangira ko Papa agaragaza impungenge zikomeye ku mibereho y’abaturage basanzwe, bakomeje kwibasirwa n’ingaruka z’intambara, cyane cyane abatuye mu duce twibasiwe n’amakimbirane akomeje gukaza umurego.
Papa Leo XIV yakomeje kugaragaza kenshi ko amahoro arambye ashobora kugerwaho gusa binyuze mu biganiro, kubaha uburenganzira bwa buri wese no kubahiriza amategeko mpuzamahanga, aho yibutsa ko inzira y’intambara idashobora kuba igisubizo kirambye ku bibazo byugarije aka karere.
Iki kiganiro cya telefoni cyabaye ikimenyetso cy’inkunga Vatican itanga mu gushaka amahoro n’ituze mu Burasirazuba bwo Hagati, kikaba kandi kije gikurikira indi migambi ya dipolomasi ikomeje gukorwa na Vatican igamije gushishikariza impande zose bireba gushakira hamwe inzira iganisha ku mahoro arambye mu Burasirazuba bwo Hagati.
Mu butumwa bwabo bagize bati“Caritas ntigomba kuba izimya umuriro gusa, ahubwo igomba no kuba ijwi rihamagarira impinduka mu butabera n’imiyoborere myiza.”
Ibitekerezo (0)
- Nta gitekerezo kirahaba. Ba uwa mbere utanga igitekerezo.
