Paruwasi ya Mbazi ya Diyosezi ya Butare yungutse abapadiri babiri b'Abafaransisikani

Abapadri bahawe isakramentu ryubusaserdoti, Uwimana Innocent na Habimana Noel bavuka muri Diyosezi ya Butare, Paruwasi ya Mbazi, Santarale ya Mbazi ho mu karere ka Huye.

Padiri Uwimana Innocent yize amashuri abanza Mutunda EER, amashuri yisumbuye ikiciro cya mbere acyiga Maheresho, Amashuri yisumbuye mu kiciro cya kabiri ayiga Groupe scolaire des parents aho yize electronic et Telecommunication, nyuma akomereza amasomo ye muri Philosophie I Nairobi [Apostles Seminary], ndetse no muri Theologia mu gihugu cya Nairobi [Tangaza University College].

Padiri Habimana Noel amashuri abanza yayize Mutunda EER, amashuri yisumbuye ikiciro cya mbere acyiga E S Mbogo, Amashuri yisumbuye mu kiciro cya kabiri ayiga muri college Adegi Gituza/ Gatsibo mu burasirazuba aho yize HEG, hanyuma akomereza amasomo ye muri Philosophie I Nairobi [Apostles Seminary], ndetse no muri Theologia mu gihugu cya Nairobi [Tangaza UniversityCollege].

Myr Filipo Rukamba, Umwepiskopi wa Butare wayoboye Igitambo cya Misa akanatanga ubupadiri, yasabye abapadri bashya gukomera mu muhamagaro wabo. Yasabye kandi abari umuryango w'Abafransisikani gukomeza gukora ubutumwa kugira ngo abantu barusheho kubamenya bityo bagure umuryango w'abiyegurira Imana.