Donald Trump akoze amateka yaherukaga mu 1893
Donald TRUMP atunguye benshi yongera gutorerwa kuba Perezida wa Leta Zunze Ubumwe za Amerika ku nshuro ya kabiri nyuma yo guhigika Kamala Harris bari bahanganye.
Ni amateka yaherukaga kwandikwa na Glover Cleveland wabaye Perezida wa 22 kuva mu 1885-1889 n'uwa 24 kuva mu 1893-1897.
Donald Trump atorewe kuba Perezida wa 47. Akaba yaherukaga kuri iyi ntebe ari Perezida wa 45 kuva muri 2017 kugera muri 2021. Uyu mwanya yawuvuyeho nabi ahiritswe na Joe Biden mu matora. Donald Trump yagerageje kwirwanaho yifashishije abaturage ariko biba iby'ubusa.
Trump akaba agarukanye imbaraga ahigika Kamala Harris bari bahanganye ku manota 51% kuri 47,5%. N'Abatora bakuru 277 kuri 224.
Ubwo yiyamamazaga Donald Trump ntiyahishe ko yifuza amajwi y'abakristu, kugeza n'ubwo muri Mitingi banaririmbaga indirimbo zizwi kandi zikunzwe z'abakristu.
Trump ategerejweho impinduka zirimo guhagarika intambara zari zimaze guhinduka umukino hirya no hino ku isi, guhangana n'amatwara asenya umuryango n'imyumvire igezweho y'ubuzima bw'imyororokere, guha ubwisanzure abemera Imana aho guha urubuga abangiza abantu mu matwara yangiza ubuzima n'ibindi.
N'ubwo ariko Trump yigaragaje muri uyu murongo, Papa Fransisiko anenga politiki ye yo guheza abimukira ibintu avuga ko ntaho bitaniye no gushyigikira gukuramo inda.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
