Karidinali Tagle yatorewe kuba umukuru w'Inteko y'Abakaridinali
Kuri uyu wa 9 Ukwakira 2026, Vatikani yatangaje ko Papa Leo XIV yemeje itorwa rya Karidinali Louis Antonio Tagle, nk'umuyobozi w'Inteko y'Abakaridinali.
Tariki 8 Ukwakira 2026, ni bwo Abakaridinali bo mu cyiciro cya gatatu cy'Abakaridinali b'Abepiskopi, bakoze amatora yo kwemeza umuyobozi w'Inteko y'Abakaridinali, maze amatora yabo yemeza Karidinali Tagle.
Karidinali Tagle yari asanzwe yungirije Papa Leo XIV ku buyobozi bwa Dikasiteri ishinzwe iyogezabutumwa ku isi, iyi Dikasiteri ikaba iyoborwa na Papa Ubwe.
Karidinali Taglie asimbuye Karidinali Giovanni Battista Re, weguye kuri ubu butumwa akaba ubu ari Umukuru w'Abakaridinali Uri mu kiruhuko.
Inkuru y'itorwa rya Karidinali Tagle yagejejwe ku buyobozi n'abakozi ba Dikasiteri ishinzwe Iyogezabutumwa itangajwe na Arikiyepiskopi Fortunatus Nwancukwu, umunyamabanga w'iyi Dikasiteri.
Karidinali Tagle yatangaje ko yishimiye iyi nkuru kandi ashimira bagenzi be ikizere bamugiriye.
Umuyobozi w'Inteko y'Abakaridinali atorerwa manda y'imyaka itanu ishobora kuvugururwa. Amategeko ateganya ko nta bubasha bwihariye aba afite kuri bagenzi be b'Abakaridinali.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
