Umugabo yihagaritse imbere ya Alitari ya Bazilika ya Mutagatifu Petero i Roma
Kuwa 10 Ukwakira 2025, Umugabo utaratangajwe Amazina yihagaritse imbere ya Alitari ya Bazilika ya Mutagatifu Patero i Roma, imbere y'imbaga y'Abakristu yari mu Misa.
Iki gikorwa kigayitse, cyabaye ahagana Saa Tatu n'igice, ubwo uyu mugabo yacaga mu rihumye inzego z'umutekano, maze imbere y'imbaga yari mu gitambo cya Misa yerekeye ku yindi Alitari, akihagarika imbere ya Alitari nkuru y'iyi Bazilika.
Inzego z'umutekano zahise zihagoboka maze zimuta muri yombi ndetse ahari hamaze guhumanywa haba hafunzwe kugira ngo habanze hakorwe isuku.
Ibikorwa byo guhumanya iyi Bazilika si ubwa mbere bibaye. Igikorwa nk'iki cyaherukaga mu kwezi kwa kabiri ubwo umugabo yuriraga iyi Alitari maze agatangira guhirika amatara n'indi mitako yari kuri Alitari.
Biteganyijwe ko iyi Alitari yahumanyijwe izabanza gukorerwaho imihango yo kuyihumanura mbere yo kongera kuyituriraho Igitambo cya Misa.
Umwirondoro w'Uwahumanyije iyi Alitari n'impamvu yabimuteye ntibyigeze bitangazwa.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
