Ghana: Perezida Nana Akufo yashimye uruhare rw’Abihayimana mu mibereho myiza y’abaturage, asaba umusanzu mu kwigisha ubufatanye no kubaka igihugu

Perezida Nana Akufo- Addo yabigarutseho ku wa cyumweru tariki 8 Mutarama 2023 mu nama y’ihuriro rya 28 ry’abapadiri n’abiyeguriyimana bo muri iki gihugu,mu murwa mukuru w’ iki gihgu. Akomoza ku ruhare rw’ibikorwa bya Kiliziyz Gatolika mu iterambere mu guharanira ubumwe no guteza imbere abaturage b’iki gihugu, Perezida Nana Akufo- Addo yagize ati “ Bihayimana, Igihugu cyacu kirashima byimazeyo ibikorwa byiza mutegura hashingiwe ku miryango mukoreramo ubutumwa; bikadufasha mu iterambere ry’imibereho myiza na politike bigamije guteza imbere abaturage; ibi bitugaragariza ko Abihayimana muri ingirakamaro muri sosiyete yacu.”

Akomoza ku masomo yakuye muri gahunda ya Papa Fransisiko na Kiliziya ya Sinodi y’Abepiskopi izasozwa mu 2024; Perezida Nana Akufo- Addo yavuze ko na we yishimira uburyo iyi Sinodi yo gutega amatwi no kugendera hamwe irimo gukorwa, haba mu gihugu abereye umuyobozi ndetse n’ahandi ku isi; avuga ko yifuza ko umusaruro uzayivamo wazaba umusingi ukomeza Kiliziya Gatolika muri Ghana, ndetse ukanafasha Abihayimana mu butumwa bwabo bwa buri munsi.

Perezida Nana Akufo- Addo yasabye abihayimana bitabiriye iri huriro gukomeza kugira uruhare mu bikorwa byiza bigamije kwimakaza umuco w’amahoro n’ubutabera muri sosiyete muri iki gihugu, ndetse no mu karere ka Afurika y’Uburengerazuba.