Ibihugu by’Afurika byaje imbere ku rutonde rw’ ibihugu 28 bikigaragaramo itotezwa rikorerwa abakristu ku isi mu mwaka wa 2023
Raporo igaragaza uko hirya no hino mu bihugu uburenganzira bwa muntu mu guhitamo imyemererere ishingiye ku idini bwubahirizwa (Religious Freedom Report) y’umwaka wa 2023 yashyizwe ahagaragara n’umuryango mpuzamahanga wa “Aid to the Church in Need International” igaragaza ko mu bihugu 28 ku isi bibuza abantu uburenganzira bwo gusengera mu idini bashaka 13 ari ibyo ku mugabane w’Afurika.
Nk’uko aciafrica.org ibitangaza, raporo ya Aid to the Church in Need 2023 igaragaza ko ibihugu 13 byo ku mugabane w’Afurika abakristu badahabwa uburenganzira bwo gusenga uko babyifuza. Iyi raporo igaragaza ko mu bihugu bya Repubulika iharahanira Demokarasi ya Kongo (RDC), Nigeria, Mali, Burkinafasso, Niger, Somalia, Eritrea, na Libya ariho hagaragarara umubare munini w’abakristu batotezwa bazizwa ukwemera kwabo. Igaragaza ibyiciro bine bw’ihohoterwa rikorerwa abakristu muri ibi bihugu aribyo: Gutotezwa, kuvangurwa, gushyirwah ingenza, no guteshwa agaciro.
Nk’uko aciafrica.org ibitangaza, raporo ya Aid to the Church in Need 2023 igaragaza ko ibihugu 13 byo ku mugabane w’Afurika abakristu badahabwa uburenganzira bwo gusenga uko babyifuza. Iyi raporo igaragaza ko mu bihugu bya Repubulika iharahanira Demokarasi ya Kongo (RDC), Nigeria, Mali, Burkinafasso, Niger, Somalia, Eritrea, na Libya ariho hagaragarara umubare munini w’abakristu batotezwa bazizwa ukwemera kwabo. Igaragaza ibyiciro bine bw’ihohoterwa rikorerwa abakristu muri ibi bihugu aribyo: Gutotezwa, kuvangurwa, gushyirwah ingenza, no guteshwa agaciro.
Marcela Szymanski wari ukuriye itsinda ryakoze iyi raporo avuga ko ikigero cy’itotezwa rikorerwa abakristu muri ibi bihugu 28 byo ku isi kigenda kizamuka buri mwaka, aho akenshi iri totezwa rikorwa rishingiye ku matwaraya ya politiki igihugu gifite, abakristu bamwe bagahatirwa kuyagenderaho no kuyubahiriza batabishaka.
Marcela Szymanski agaragaza ko bumwe mu buryo bwifashishwa harimo kubima amahirwe ajyanye no kubona akazi, kubaheza muri gahunda z’uburezi n’ubuvuzi, gushyirwaho ingenza aho bari hose, gutegekwa ubwishyu bagomba gutanga n’uburyo bakoramo amatora, no kudashyirirwaho amategeko abarengera mu gihe bahohotewe n’abagizi ba nabi.Iyi raporo ikagaragaza ko abaturage bagerakuri 51.6% by’abaturage bose batuye isi babayeho muri ubu buzima.
Ikigo “The Pontifical Charity Foundation”kigaragaza ko abakristu benshi bo mu bihugu byo mu ihembe ry’Afurika batotezwa bitewe n’ubutegetsi bw’igitugu bukigaragara mu bihugu biherereye muri aka gace k’Afurika. Iyi raporo ikagaragaza ko nko muri Libya abakristu batemererwa guteranira hamwe ngo basenge, n’abogezabutumwa bifuje kujyayo bagahabwa igihe kitarenze umwaka umwe wo kuhaba; kimwe n’abo muri Somalia bagaragaje ko abatari abayoboke b’idini ya Isilamu batemerewe guhura ngo bagire igikorwa gishingiye ku kwemera bakora.
Ibindi bihugu byo kuri uyu mugabane bigaragaramo iki kibazo ni Mozambique, Cameroon, Tchad na Sudan.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
