Icyo wamenya kuri Padili Jean Pierre NSABIMANA watorewe kuba umuyobozi mukuru w'umuryango w’Abapalotini

Padiri Jean Pierre Nsabimana yavukiye i Rutsiro /Kibuye mu ntara y’uburengerazuba, ari naho yize amashuri abanza kuva mu mwaka w’ 1977 - 1985 I Congo Nil muri Rutsiro. Amashuri yisumbuye yayize mu iseminari nto yaragijwe Mutagatifu Pie X ku NYUNDO mu 1985 - 1991. Yakomeje mu nzira yo kwiyegurira Imana mu cyiciro cya Postulat I CYARWA muri BUTARE mu 1993 - 1994. Yinjiye muri Noviciat mu 1994 - 1995 i OBALA muri CAMEROUN. Yize muri Philosophie i YAOUNDE muri CAMEROUN mu 1995 – 1997, amasomo ya Théologie yayize i Naïrobi muri KENYA mu 1997 - 2000 .

Padiri Jean Pierre NSABIMANA yahawe ubusaseredoti ku itariki ya 12/05/2001. Mu mwaka w’2002 - 2006 Yakomereje muri Kaminuza yigenga ya Kigali (Universite Libre Kigali – Rwanda) mu ishami ry’icungamutungo (Gestion Financière).

Yakomereje mu kiciro cya Master’s muri Théologie mu mwaka 2015 – 2017 muri Kaminuza LUMEN VITAE/CATHOLIC UNIVERSITY OF LEUVEN mu Bubiligi.

Mu mirimo yakoze, Padili Jean Pierre Nsabimana yabaye umwarimu mu ishuri ryisumbuye rya Murunda mu 1991 - 1993 (Professeur à l’Ecole Secondaire de MURUNDA)

Mu mwaka w’2001 - 2002 yabaye Padiri wungirije wa Paruwasi ya Ruhango muri Diyosezi ya Kabgayi (Vicaire à la Paroisse RUHANGO - Diocèse de KABGAYI)

Mu mwaka w’ 2002 - 2006 Padiri Jean Pierre yabaye padiri wungirije n’umucungamutungo wungirije muri Paruwasi ya Gikondo. (Vicaire dans la Paroisse Gikondo, Econome Régional Adjoint.)

Mu mwaka w’2006 - 2009 yabaye umuyobozi w’uruganda rwa Pallotti Press i Kigali. (Directeur de l’Imprimerie et Editions Pallotti-Presse)

Mu mwaka w’i2008 – 2011 Padiri Jean Pierre yagizwe umwe mu bayobozi ba CORAR. (Membre du Conseil d’Administration dans la CORAR, ltd, Compagnie Rwandaise d’Assurance et de Réassurance)

Mu mwaka wa 2009 – 2012 yagizwe umwe mu bayobozi b’ikigo GEMECA PETROLEUM. (Membre du Conseil d’Administration)

Mu mwaka w’ 2009 kugeza muri 2015 yabaye umucungamutungo w’umurynago ku rwego rw'akarere kitiriwe umuryango mutagatifu.(Econome Régional des Pallottins au Rwanda / RDC /Belgique)

Kuva mu mwaka wa 2017 - 2022 Padiri Jean Pierre yagizwe umuyobozi w’ingoro ya Yezu Nyirimpuhwe mu Ruhango. (Recteur du Sanctuaire Jésus Miséricordieux Ruhango.)

Kuva mu 2022 kugeza ubu, Padiri Jean Pierre Nsabimana yari padiri mukuru wa Paruwasi ya Gikondo muri Arkidiyosezi ya Kigali. (Cure de la Paroisse Gikondo/ Archidiocese de Kigali.)

Padiri Jean Pierre Nsabimana agiye kuyobora umuryango w’abapalotini mu gihe cy’imyaka 3 kuva tariki ya 29 Mutarama 2026 asimbuye Padiri Eugène NIYONZIMA wari umaze imyaka 9 ayobora uyu muryango.