Kardinali Kambanda arasaba abagize ingo kwirinda ukwikunda, uburyarya n’ubuhemu
Mu misa yo gutangiza ku mugaragaro icyumweru cy’umuryango, Kardinali Kambanda yasabye abagize ingo kubakira ku rukundo rw’imana ako kubakira ku rukundo rw’ubwikunde, amarangamutima, rukuruzi y’umubiri n’izindi nyungu.
Muri iyi Misa yabereye kuri Paruwasi Regina Pacis Remera kuri uyu wa Gatatu tariki ya 7 Gashyantare 2024, Kardinali Kambanda avuga ko ko urukundo rrwubaka umuryango ukomeye ari rwa rukundo rubabarira byose, rwizera byose ku buryo umuntu ashishikazwa ndetse akanashimishwa no kugirira akamaro mugenzi we.
Kardinali Kambanda akomeza avuga ko ukwikunda, ukwemera guke, gutera Imana umugongo no kutita ku banyantege nke ari bimwe mu bibiri gushegesha umuryango.
Ati “Ikibazo cy’ingo muri iki gihe ni ukwemera guke, no gutera Imana umugongo. Kwizera kwacu ni Nyagasani, abafite ukwemera n’ukwizera nta kibahungabanya kandi ukwizera ni umukiro w’Imana. Ikibazo nyamukuru gihari rero ni ukwemera guke no gutera Imana umugongo ku buryo mugenda mubusanya kuko Imana yabahuzaga muba mwayiteye umugongo.”
Uretse ibyorezo n’intambara bizahaza ubukungu, Kardinali Kambanda anavuga ko amakimbirane hagati y’abashakanye ari kimwe mu bihungabanya ubukungu bw’ingo.
Ati “Amakimbirane nayo ahungabanya ubukungu, kuko iyo abantu batagihuza , batakijya inama, bahimana , aho kugira ngo bafatanye gufata icyemezo cyubaka, cyabateza imbere, aho bashora imari yabo bikabagirira akamaro kurushaho, kwizigama iyo harimo guhimana n’amakimbirane bigera aho ingo ziba ebyiri cyangwa se bikagera aho batana bakagabana imitungo.,. Ibyo byose bizahaza ubukungu bw’urugo.”
Kardinali Kambanda yasoje avuga ko urugo rw’umuntu wubaha Imana ruba rutekanye kandi rukomeye ndetse rukaniteza imbere runiteza imbere.
Aha niho yahereye asaba abagize urugo gusobanukirwa neza n’urugo ndetse n’uburyo bwo kubana n’abagize urugo kuko iyo ingo zitekanye bigira ingaruka ku gihugu no kuri Kiliziya.
Ati “Umugabo uyobora neza urugo rwe neza, umugore utekanye mu rugo rwe, no mu zindi nshingano bazikora neza nk’uko Salomoni yayoboraga neza. Urugo niyo Kiliziya y’Ibanze, urugo ni narwo igihugu cyubakiraho, iyo ingo zitekanye haba igihugu gitekanye.”
Insanganyamatsiko y’uyu mwaka ni ugusaba ko ingo ziba igicumbi cy’abahamya b’amizero.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
