Menya byinshi ku mateka ya Bazilika ya “Notre Dame de Quebec”Papa Fransisiko yakiriwemo n’Abihayimana bo muri Kanada

Papa Fransisiko yavuze ko guhurira n’abihayimana muri Kiliziya ya Bazilika ya “Notre Dame de

Quebec” bifite igisobanuro cyihariye, kuko ariho Umwepiskopi wa mbere muri iki gihugu

Mutagatifu Francois de Laval yafunguye iseminari ya mbere muri iki gihugu mu 1663, itanga

umusanzu mu gutegura abapadiri.

Bazilika Nkuru ya “Notre-Dame-de-Québec” yashinzwe mu 1664, iba paruwasi gatolika ya

mbere yashinzwe muri Amerika ya ruguru, ahantu hahawe izina ry’Ubufaransa bushya(New

France).Iyi Paruwasi ya mbere yashinzwe ahahoze shapeli ya mbere yubatswe kuri uyu

mugabane n’uwitwa Samuel de Champlain mu 1663. Nyuma y’uko iyari inyubako yayo ya

mbere ifashwe n’inkongi y’umuriro, Abapadiri b’Abayezuwiti ntibazuyaje, maze mu 1647

barongera bahubaka indi kiliziya igizwe n’amabuye gusa.

Mu 1674, Ubuyobozi bwa Kiliziya ku isi bwemeje ko Kanada yaba diyosezi, nuko Mutagatifu

Francois de Vale atorerwa kuba Umwepiskopi wa mbere wa Diyosezi ya Quebec, ahitamo iyi

kiliziya nk’icyicaro cy’umwepiskopi, kuva ubwo iba Kiliziya Katedrali ya Quebec.

Imirimo yo gusana no kuvugurura inyubako y’iyi kiliziya yagiye ikorwa n’abahanga mu

bwubatsi mu bihe bitandukanye barimo uwitwa Thomas Baillairgé umunyabugeni

w’umuhanga wateguye igishushanyo cy’iyi inyubako tubona uyu munsi. Imirimo yo kuyitaka

ikomeza gukorwa , ndetse inongerwamo ibindi bice by’ingenzi bituma iza ku rutonde rwa za

Kiliziya nziza kandi zisurwa na benshi ku isi.

Uretse kuba ishyinguwemo Musenyeri François de Laval waje ku isonga mu gutangiza

imirimo y’ibikorwa by’ukwemera gatolika muri Kanada(The father of the Catholic Church in

Canada), wagizwe umuhire na Papa Yohani Pawulo II mu 1980; muri iyi Bazilika tuhasanga

imva zisaga 900 z’Abepiskopi, ba Arkiyepiskopi,ba Guverineri ba Kanada, n’iya Thomas

Baillairgé.

Kiliziya Katedrali ikaba na Bazilika nkuru ya “Notre Dame de Quebec” ifite ibigwi n’amateka

birebire; ifatwa nk’ikigega cy’amateka ya Kiliziya Gatolika muri Kanada ndetse n’amateka

yihariye y’iki gihugu. Ni hamwe mu hantu hakorerwa ingendo nyobokamana kenshi,

hifashishwa mu bushakashatsi bujyanye n’amateka ndetse hakanakorerwa ubukerarugendo. Mu 2014 nibwo hizihijwe isabukuru y’imyaka 340 y’iyi kiliziya, bivuze ngo uyu mwaka ni uwa

348 imaze ishinzwe.