Papa Fransisiko yoherereje imfashanyo abaturage bo muri Turukiya na Siriya basizwe iheruheru n’umutingito

Nyuma yo kwibasirwa bitunguranye n’umutingito wasenye ibikorwa remezo , ugahitana abasaga ibihumbi 40 mu bihugu bya Turukiya na Siriya, Papa Fransisiko akomeje kwifatanya n’aba baturage mu bihe bitoroshye barimo

Kuri uyu wa 15 Gashyantare 2023 Papa Fransisiko yoherereje aba baturage imfashyanyo, irimo ibikenerwa mu buzima birimo ibiribya, imyambaro, n’ibindi by’ibanze. Ni nyuma y’uko mu isenegesho ry’indamutso ya Malayika ryo ku wa 6 Gashyantare 2023,na none yabazirikanye ku buryo bw’umwihariko.

Nk’uko bisobanurwa na Karidinali Konrad Krajewski wahagarariye papa muri iki gikorwa,

Izi mfashanyo zigizwe n’ibyo kurya, imyambaro n’ibindi bikaba byamaze kugezwa mu nkambi za Kilis yashyizwemo Abanyaturukiya bagizweho ingaruka n’uyu mutingito n’inkambi ya Alepo yakiriwemo abo muri Siriya.

Papa Fransisiko arahamagarira ibihugu binyuranye byo ku isi, imiryango mpuzamahanga n’abandi bafite umutima ugira impuhwe kugoboka Abanyaturukiya n’Abanyasiriya bibasiwe n’umutingito, bakabafasha kubona ibyo ibanze mu buzima; akavuga ko ari umugenzo mwiza wo kumenya kwifatanya n’abababaye ndetse n’igikorwa cy’impuhwe.

Aljazeela itangaza ko umubare w’abamaze kumenyekana ko bahitanywe n’umutingito wibasiye ibihugu bya Turukiya na Siriya ku wa 6 Gashyantare umaze kurenga ibihumbi 40, abasaga miliyoni 2 bakaba bari mu nkambi zitandukanye mu gihe hagikomeje gushakishwa abantu bagwiriwe na zimwe mu nyubako, ndetse ibikorwa binyuranye by’ubutabazi bikaba bigikomeje.