Yanditse inkuru 508 kuri Kinyamateka. Kuva 21 Gicurasi 2022 kugeza 29 Nzeri 2026.
Zerekanwe 14 muri 508
Kuri uyu wa 18 Nyakanga 2026, Arikidiyosezi ya Kigali yishimiye kwakira abapadiri 11 bashya bahawe Isakaramentu ry’Ubusaserdoti, hamwe n’abafaratiri 9 bahawe Ubudiyakoni, bitegura kuzahabwa Ubupadiri mu mwaka utaha.
Kuri uyu wa 10 Nyakanga 2026, ishuri Ecole Dove de Saint Jean Chrysostome, riherereye mu Murenge wa Kigarama mu Mujyi wa Kigali, ryakoze ibirori byo kwishimira ko imfura zaryo zigizwe n'abanyeshuri batanu zirangije amashuri abanza, nyuma yo gukora ibizamini bya Leta, kandi bakaba bizeye ko bazatsinda neza.
Kuri uyu wa 9 Nyakanga 2026, muri Paruwasi ya Ruhango hatangirijwe Forum y'urubyiruko ku rwego rwa Diyosezi ya Kabgayi ku nshuro ya cyenda. Yafunguwe ku mugaragaro na Musenyeri Hodari Jean de Dieu, Igisonga cy'Umwepiskopi wa Diyosezi ya Kabgayi, wagaragaje ko Kiliziya ikunda urubyiruko kandi ihora iruzirikana.
Umushumba wa Diyosezi Gatolika ya Mtwara muri Tanzania, Musenyeri Titus Joseph Mdoe, yasabye abapadiri batatu n'abadiyakoni babiri bashya kuba intangarugero nziza mu mibereho no mu murimo wabo, bagaharanira kuba abahamya nyabo ba Yezu Kristu.
Karidinali Fridolin Ambongo Besungu, Arikiyepisikopi wa Kinshasa muri Repubulika Iharanira Demokarasi ya Kongo (RDC), yavuze ko igihugu kiri mu bihe bikomeye cyane, asaba abaturage kutemera gushukwa n'imvugo za politiki zishyira imbere inyungu z'abanyapolitiki aho kwita ku bibazo bibangamiye abaturage.
Karidinali Cristóbal López Romero, Arikiyepisikopi wa Rabat muri Maroc, yatangaje ko ahagaritse by’agateganyo ibikorwa byose bya gishumba n’ibijyanye n’imihango ya Kiliziya ikorerwa mu ruhame, mu gihe Kiliziya Gatolika iri gukora iperereza ry’ibanze ku birego ashinjwa byo kuba yaragaragaje imyitwarire idakwiye ku bagore bakuze.
Papa Leo XIV ateganya gusangira ifunguro n'abantu bagera kuri 200 batishoboye bo muri Diyosezi ya Roma, mu gikorwa kizabera i Borgo Laudato si' mu busitani bwa Papa bwa Castel Gandolfo, kuri uyu wa Gatandatu tariki ya 11 Nyakanga.
Abaturage bo mu mujyi wa Castel Gandolfo mu Butaliyani bavuga ko bishimiye kongera kwakira Papa Leo XIV mu biruhuko by'impeshyi, bavuga ko kugaruka kwe kwazuye umuco wari umaze imyaka ugabanyutse wo kubona Umushumba wa Kiliziya Gatolika aruhukira muri uyu mujyi uzwi cyane mu mateka y'Abapapa.
Papa Leo XIV yakiriye Perezida wa Repubulika ya Colombia, Gustavo Petro Urrego, i Vatikani, bagirana ibiganiro byibanze ku gushimangira umubano mwiza hagati ya Kiliziya Gatolika n'Igihugu cya Colombia, guteza imbere amahoro, ubwiyunge n'ubumwe bw'igihugu, banagaruka ku bibazo by'umutekano n'imihindagurikire y'ikirere.
Byagarutsweho mu kwizihiza umunsi mukuru wa Mutagatifu Antoni wa Paduwa, umurinzi w'ishuri Ecole Saint Antoine de Padoue riherereye muri Santarali ya Rutunga, Paruwasi ya Gishaka, mu Murenge wa Rutunga, Akarere ka Gasabo, hanatangwa amasakaramentu y'ibanze ku banyeshuri 23 baharerewa.
Padiri Luis Antonio García Thomas, umushumba wa Paruwasi ya Mutagatifu Yozefu (San José de Ñaraulí) i Caracas muri Venezuela, yavuze ko umutingito uherutse kwibasira iki gihugu wasize abaturage benshi mu buzima bukomeye, aho bamwe basigaye mu mazu ashobora kubagwaho.
Ishuri rya Groupe Scolaire Saint Mathieu de Busasamana ryashinzwe mu mwaka wa 1989 ritangijwe na Padiri witwaga Matayo afatanyije n'abandi babyeyi, barimo n'undi witwaga Matayo. Ni ishuri rya Kiliziya Gatolika ya Diyosezi ya Nyundo ikorana na Leta y'u Rwanda hashingiwe ku masezerano y'ubufatanye.
Kuri iki Cyumweru, tariki ya 28 Kamena 2026, Ishuri Groupe Scolaire Saint Mathieu de Busasamana riherereye muri Diyosezi ya Nyundo ryizihije umunsi mukuru waryo, n’itangwa ry’amasakaramentu y’ibanze arimo Batisimu, Ukaristiya n’Ugukomezwa ku banyeshuri 20 bari babyiteguye, basabwa kwigira kuri Mutagatifu Matayo, umurinzi w’iri shuri, wahindutse akava mu buzima bubi agahinduka umwigishwa wa Yezu Kristu.
Papa Leo XIV yageneye igihugu cya Venezuela inkunga yihutirwa ya Euro ibihumbi 100 (€100,000) mu rwego rwo gufasha abagizweho ingaruka n'imitingito ibiri ikomeye yahitanye nibura abantu 164, abandi hafi igihumbi bagakomereka, mu gihe ibikorwa byo gutabara bikomeje.
