Kinyamateka
Amamariza hano Advertise here
Kinyamateka
Aheruka
Papa Leo XIV yasabye Abanyaburayi guhitamo impuhwe n’urukundo aho kwihorera Papa Leo XIV i Metz: “Ibiganiro hagati y’amadini ntibihungabanya ukwemera kwa buri muntu” Kuki Abepiskopi bongeye gushimangira gukurikirana amasekuru y’abagiye guhana Isakramentu ry’Ugushyingirwa? Papa Leo XIV yifatanyije n’ibihumbi by’abakirisitu mu isengesho rya Rozari i Lourdes Papa Leo XIV yasengeye i Lourdes ashyira igihugu cy’u Bufaransa n’abagituye mu maboko ya Bikira Mariya “Imana ni yo isubiza inyota iri mu mutima wa buri muntu, ”Papa Leo XIV
Kiliziya

Abepiskopi batangiye Inteko rusange Isanzwe ya 174

Kuri uyu wa 20 Gicurasi 2025, ku Ruyenzi mu Kigo cy'Ikenurabushyo cy'Inama y'Abepiskopi Gatolika mu Rwanda hateraniye Inteko rusange Isanzwe ya 174.

PF Padiri Fidele Mutabazi 20 Gicurasi 2025 · 1 min yo gusoma
Abepiskopi batangiye Inteko rusange Isanzwe ya 174
Abepiskopi batangiye Inteko rusange Isanzwe ya 174

Iyi nteko rusange y'igihembwe cya nyuma ari cyo cya kane cy'umwaka wa 2025 yatangiye none izasozwa kuwa gatanu tariki 23 Gicurasi 2025.

Biteganyijwe ko iyi nama izagaruka kuri gahunda zitandukanye z'ikenurabushyo ziteganyijwe muri iki gihembwe cy'umwaka wa 2025 zirimo n'Inama y'Ihuriro ry'Inama z'Abepiskopi muri Afurika na Madagasikari riteganyijwe kuzabera mu Rwanda tariki 30 Nyakanga kugera tariki 4 Kanama 2025.

Muri iyi nama Abepiskopi bazakira Umunyamabanga w'Ihuriro ry'Inama z'Abepiskopi muri Afurika na Madagasikari uzabagezaho aho imyiteguro y'iyi nama igeze ku ruhande rw'Abepiskopi n'Abakaridinali bazayitabira.

Uretse kugaruka kuri gahunda zitandukanye z'ikenurabushyo, iyi nteko rusange izanashyiraho abayobozi bashya ba Komisiyo na Servisi z'Inama y'Abepiskopi basimbura abarangije manda.

Ku munsi wa mbere w'iyi nteko rusange, Abepiskopi bakiriye intumwa ya Papa mu Rwanda, Arikiyepiskopi Arnaldo Catalan, bamugaragariza ibyishimo batewe no kuba Kiliziya yarabonye umushumba mushya ari we Papa Lewo XIV.

Amamariza hano Menyekanisha ibikorwa byawe ku basomyi ba Kinyamateka Advertise here

Ibitekerezo (0)

KM

Ufite konti? Injira

  • Nta gitekerezo kirahaba. Ba uwa mbere utanga igitekerezo.

Izindi nkuru

Byose