AMAFOTO:Ababikira Biyeguriye Roho Mutagatifu mu birori by'Amasezerano no kwishimira Mutagatifu Elena Guera
Kuri uyu wa 28 Ukuboza 2024, Ababikira Biyeguriye Roho Mutagatifu bahimbaje amasezerano ya Burundu y'Ababikira batatu banashimira Imana kubera ishyirwa mu rwego rw'Abatagatifu rya Mutagatifu Elena Guera.
Ni ibirori byabereye muri Paruwasi ya Cyeza muri Diyosezi ya Kabgayi.Hamwe mu hari urugo rw'uyu muryango.
Ibirori byitabiriwe n'Abepiskopi barimo; Myr Balthazar Ntivuguruzwa wa Kabgayi, Myr Célestin Hakizimana wa Gikongoro, Myr Vincent Harolimana wa Ruhengeri, Myr Papias Musengamana wa Byumba, Myr Smaragde Mbonyintege uri mu kiruhuko, Myr Kizito Bahujimihigo uri mu kiruhuko, Abapadiri banyuranye, Abihayimana n'abiyeguriye Imana mu byiciro n'imiryango inyuranye.
Umutambagiro unogeye ijisho ni wo wabimburiye ibyishimo by'uyu munsi, uninjiza mu Gitambo cya Misa cyayobowe na Myr Balthazar Ntivuguruzwa, Umwepiskopi wa Kabgayi.
Nyuma y'inyigisho ya Musenyeri Balthazar Ntivuguruzwa, ababikira batatu ari bo: Sr Epiphanie Mukamana uvuka muri Paruwasi ya Musaza, Diyosezi ya Kibungo; Sr. Flavia Nsengimana Uwamahoro, wa Paruwasi Muhura, Diyosezi Byumba; Sr Marie Odette Mukantwari, wa Paruwasi Rambura, Diyosezi Nyundo, bakoze amasezerano ya Burundu. Uyu muhango wo ukaba wayobowe na Musenyeri Visenti Harolimana wa Diyosezi ya Ruhengeri.
Nyuma yo kuvuga Isezerano ryabo, aba babikira bambitswe impeta nk'ikimenyetso cy'uko biyeguriye Imana burundu. Bamaze gusezerana, bishimiwe n'abari aho babimburiwe n'Abepiskopi.
Kuri ubu, Umuryango w'Ababikira biyeguriye Roho Mutagatifu ukorera mu bihugu 7 Ku isi, aribyo Canada, u Butaliyani, Filipine, Viyetinamu, u Rwanda, Kameruni na Gana.
Mu Rwanda, uyu muryango ukorera muri Diyosezi 6 arizo; Kabgayi, Byumba, Butare, Nyundo, Gikongoro na Arkidiyosezi ya Kigali.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
