Kinyamateka
Amamariza hano Advertise here
Kinyamateka
Aheruka
Papa Leo XIV yasabye Abanyaburayi guhitamo impuhwe n’urukundo aho kwihorera Papa Leo XIV i Metz: “Ibiganiro hagati y’amadini ntibihungabanya ukwemera kwa buri muntu” Kuki Abepiskopi bongeye gushimangira gukurikirana amasekuru y’abagiye guhana Isakramentu ry’Ugushyingirwa? Papa Leo XIV yifatanyije n’ibihumbi by’abakirisitu mu isengesho rya Rozari i Lourdes Papa Leo XIV yasengeye i Lourdes ashyira igihugu cy’u Bufaransa n’abagituye mu maboko ya Bikira Mariya “Imana ni yo isubiza inyota iri mu mutima wa buri muntu, ”Papa Leo XIV
Kiliziya

Diyosezi ya Kabgayi yujuje abapadiri 8 n'abadiyakoni 6 yari itegereje

Kuri uyu wa 19 Kanama 2023, mu birori byabereye ku kibuga cya paruwasi ya Kamonyi, Diyosezi ya Kabgayi yungutse abapadiri batatu n'umudiyakoni umwe, yuzuza ityo abapadiri umunani n'abadiyakoni batandatu yari itegereje uyu mwaka.

PF Padiri Fidele Mutabazi 19 Kanama 2023 · 2 min yo gusoma ·Mu Rwanda
Diyosezi ya Kabgayi yujuje abapadiri 8 n'abadiyakoni 6 yari itegereje
Diyosezi ya Kabgayi yujuje abapadiri 8 n'abadiyakoni 6 yari itegereje

Mu birori byari byitabiriwe n'imbaga y'abakristu bari barangajwe imbere na Myr Balthazar Ntivuguruzwa, Umwepiskopi wa Kabgayi na Myr Smaragde Mbonyintege, umwepiskopi uri mu Kiruhuko, ndetse n'imbaga y'abapadiri ba diyosezi ya Kabgayi, Diyakoni Karangwa Evariste, Diyakoni Fransisiko Uwamahoro na Diyakoni Aime Joseph Marie Iradukunda bavuka muri paruwasi ya Kamonyi bahawe Ubupadiri naho Faratiri Alphonse Uwiragiye, uvuka muri paruwasi ya Mugina ahabwa ubudiyakoni.

Mu ijambo rye Myr Balthazar Ntivuguruzwa, Umwepiskopi wa Kabgayi yashimiye Imana ihaye diyosezi ya Kabgayi umunani w'abapadiri.

Myr Balthazar yakomeje avuga ko ari ibyishimo bikomeye kuri we nk'umwepiskopi mushya kuba Imana imuhaye abafasha ba hafi umunani baherekejwe n'abadiyakoni batandatu nabo bategerejwe umwaka utaha.

Yagize ati "Nagira ngo mumfashe dushimire Imana iduhaye umunani. Imana mu rukundo rwayo iduhaye umunani w'abasaseridoti. Umunani w'abasaseridoti bashya muri Diyosezi ya Kabgayi ni umugisha ukomeye ku mwepiskopi mushya no ku muryango w'Imana".

Yashimiye amaparuwasi ya: Kayenzi, Mushishiro, Kigoma, Kabgayi na Kamonyi yabyariye Kabgayi abapadiri ndetse na Mushishiro, Kibangu, Nyarusange, Nyabinyenga na Mugina zabyaye abadiyakoni.

Abapadiri batatu paruwasi ya Kamonyi yungutse bujuje umubare w'abapadiri 15 bayivukamo mu myaka 80 imaze. Uw'imfura yabo akaba Padiri Byusa Eustache wamenyekanye nk'umuririmbyi.

Paruwasi ya Kamonyi n'akarere ka Kamonyi bishimiye ibi birori bidasanzwe bashimira n'abana babo babahesheje ishema.

Muri ibi birori paruwasi ya Kamonyi yagabiye inka Myr Balthazar Ntivuguruzwa na Myr Smaragde Mbonyintege babifuriza guhorana amata ku ruhimbi.

Abakristu ba paruwasi ya Kamonyi mu byicaro byiza bihereye ijisho ibiro by'itangwa ry'ubusaserdoti ku bana babo batatu
Abakristu ba paruwasi ya Kamonyi mu byicaro byiza bihereye ijisho ibiro by'itangwa ry'ubusaserdoti ku bana babo batatu
Madamu Uwiringira Marie Josée, Umuyobozi wungirije w'Akarere ka Kamonyi ushinzwe imibereho myiza ni we wari uhagarariye akarere ka Kamonyi muri ibi biriri
Madamu Uwiringira Marie Josée, Umuyobozi wungirije w'Akarere ka Kamonyi ushinzwe imibereho myiza ni we wari uhagarariye akarere ka Kamonyi muri ibi biriri
Myr Smaragde Mbonyintege yashimye intambwe paruwasi ya Kamonyi imaze gutera
Myr Smaragde Mbonyintege yashimye intambwe paruwasi ya Kamonyi imaze gutera
Ibirori byatangijwe n'umutambagiro wahereye muri Kiliziya ya Paruwasi Kamonyi ujya ku kibuga cy'umupira cya paruwasi ahabereye ibirori
Ibirori byatangijwe n'umutambagiro wahereye muri Kiliziya ya Paruwasi Kamonyi ujya ku kibuga cy'umupira cya paruwasi ahabereye ibirori
Myr Balthazar Ntivuguruzwa, Umwepiskopi wa Kabgayi ni we wayoboye umuhango
Myr Balthazar Ntivuguruzwa, Umwepiskopi wa Kabgayi ni we wayoboye umuhango
Imbaga y'abakristu ba Kamonyi bakurikiye ibirori mu byicaro byiza bari bateguye
Imbaga y'abakristu ba Kamonyi bakurikiye ibirori mu byicaro byiza bari bateguye
Abapadiri ba diyosezi ya Ķabgayi bari baje ari benshi gusoza ikivi cyatangiriye I Kaayenzi uyu mwaka
Abapadiri ba diyosezi ya Ķabgayi bari baje ari benshi gusoza ikivi cyatangiriye I Kaayenzi uyu mwaka
Amamariza hano Menyekanisha ibikorwa byawe ku basomyi ba Kinyamateka Advertise here

Ibitekerezo (0)

KM

Ufite konti? Injira

  • Nta gitekerezo kirahaba. Ba uwa mbere utanga igitekerezo.

Izindi nkuru

Byose