Kiliziya irashimirwa uruhare ikomeje kugira mu iterambere ry'igihugu

Mu biganiro bagiranye impande zombi zagarutse ku buryo bwo kubaka ubufatanye burambye kandi bushingiye ku cyizere hagati ya Kiliziya na Leta.

Bimwe mu byagarutsweho Kiliziya ishimirwa kugiramo uruhare harimo kwita ku muryango, uburezi n'uburere, kurwanya ubukene, gukumira guta ishuri, itwita ry’abangavu, ihohotera rishingiye ku gitsina n’iryo mu miryango, gufasha urubyiruko kubona akazi, ubukangurambaga butandukanye n’izindi gahunda zigamije kuzamura imibereho myiza y'Abaturage.

Minisitiri Gatabazi yashimiye Kiliziya uruhare rukomeye igira muri izi gahunda ariko anamenyesha abapeskopi ko inzira ikiri ndende hakaba hakenewe kongerwa imbaraga haba ku ruhande rwa Kiliziya no ku ruhande rwa Leta.