Mozambike: Mgr Inacio Lucas Mwita, arasaba abanyeshuri barangije Kaminuza kubaka sosiyete irangwa n'ubutabera, amahoro n'iterambere.

Yabigarutseho mu nyigisho yatanze muri Misa yo gushimira Imana yabereye mu karere ka Gurué, ubwo hizihizwaga ku nshuro ya 7 isozwa ry'amashuri ku banyeshuri 121 barangije amasomo yabo muri iyi kaminuza.Ni umuhango witabiriwe n’abayobozi binzego zibanze n'abandi banyacyubahiro batandukanye, barimo n'abayobozi mu nzego z'uburezi ndetse n'abahagarariye Kiliziya Gatolika muri ako gace.

Mu butumwa bwe, Musenyeri Mwita yibukije abanyeshuri insanganyamatsiko y'Umwaka Mutagatifu yatangajwe na Nyakwigendera Papa Fransisiko, igira iti 'Abagenzi b'Ibyiringiro (Pilgrims of Hope).

Yagize ati "Umwaka Mutagatifu si umwanya gusa wo gusenga no kwishimira ibyo twagezeho. Ni igihe cyo gufata ingamba zifatika mu kurwanya akarengane, ubusumbane biri mu muryango wacu, by'umwihariko hano muri Mozambike.

Yibukije kandi ko ubutumwa bw'umwaka Mutagatifu bushishikariza abakristu bose kuba abahamya b'amahoro n'ubutabera, kandi bagaharanira impinduka nziza zigaragarira mu bikorwa bya buri munsi.

Agaruka ku butumwa bw'amahoro, Musenyeri Mwita yasabye abanyeshuri kumenya ko amahoro nyayo aturuka ku mutima utarwana.Ati Nimwumve icyo Imana ibasaba, gushaka amahoro yukuri aturuka ku mutima udafite intwaro. Umutima wicishije bugufi, wihannye kandi wuje urukundo. Uwo ni wo mutima ushobora guhindura isi.”

Musenyeri Inacio Lucas Mwita yasabye kandi abanyeshuri kuba intumwa z'amahoro, ubutabera n'iterambere aho bazajya hose, kugira ngo ibyagezweho mu burezi bibe impinduka ku buzima bwa rubanda.

Ubuyobozi bwa Kaminuza Gatolika ya Mozambike bwatangaje ko kuri iyi nshuro ya 7 batanze impamyabumenyi,bihuriranye no kwitegura inama mpuzamahanga ya 7 yibanda ku hazaza hisi, (Seventh International Congress), izaba ifite insanganyamatsiko igira iti "Amakaminuza Gatolika: Kubaka ibiraro by'ahazaza hadashingiye ku kwangiza ibidukikije.