Kiliziya

Myr Balthazar Ntivuguruzwa yinjiye mu ruhererekane rw'Abepiskopi ba Kabgayi

Kuri uyu wa 17 Kamena 2023, I Kabgayi Myr Balthazar Ntivuguruzwa yahawe ubwepiskopi na Myr Smaragde Mbonyintege asimbuye ku buyobozi bwa Diyosezi ya Kabgayi, yinjira atyo mu ruhererekane rw'Abepiskopi ba Kabgayi rwatangiwe na Myr Jean Joseph Hirth.

PF Padiri Fidele Mutabazi 17 Kamena 2023 · 2 min yo gusoma ·Mu Rwanda

Sangiza

Myr Balthazar Ntivuguruzwa yinjiye mu ruhererekane rw'Abepiskopi ba Kabgayi

Ni igikorwa cyabereye kuri Stade ya Seminari nto ya Kabgayi, kitabirwa n'Abepiskopi bo mu Rwanda n'abo mu karere u Rwanda ruherereyemo ndetse n'abayobozi mu nzego za Leta bari barangajwe imbere na Dr Edouard Ngirente, Minisitiri w'intebe w'u Rwanda wari uhagarariye Perezida wa Repubulika.

Myr Smaragde Mbonyintege, Umwepiskopi wa Kabgayi ugiye mu kiruhuko cy'izabukuru, ni we watanze inyigisho ndetse anayobora umuhango w'Itangwa ry'Ubwepiskopi.

Nyuma yo kumukoreraho imihango iteganyijwe abakristu ba Kabgayi, bagaragarije ibyishimo umwepiskopi wabo mushya mu mashyi menshi n'impundu.

Mu ijambo yabagejejeho, Myr Balthazar yabijeje ko agiye gukomereza aho abamubanjirije bagejeje bubaka Diyosezi ya Kabgayi.

Myr Balthazar Kandi yatangaje ingingo zirindwi azubakiraho ubutumwa yahawe arizo: ubuzima n'ubutumwa bw'abapadiri, Gushyiraho ishuri ry'ukwemera, Guha imbaraga imiryango remezo, Kunoza imicungire y'umutungo ku nzego zigize umuryango w'Imana, Uburezi n'uburere by'abana n'urubyiruko, Ingo z'abashakanye n'iyogezabutumwa ry'ababyeyi, Kugendera hamwe n'ubufatanye muri ibi n'ibindi bizaba ngombwa.

Antoni Karidinali Kambanda, Arikiyepiskopi wa Kigali akaba na Perezida w'Inama y'Abepiskopi Gatolika mu Rwanda yashimiye Myr Balthazar uko yakiriye ubutumwa yahawe anamusezeranya ko we n'Abepiskopi bagenzi be bazamuba hafi muri ubu butumwa.

Muri ibi birori Leta y'u Rwanda yari ihagarariwe na Dr Edouard Ngirente, Minisitiri w'intebe, nawe akaba yashimiye Diyosezi ya Kabgayi uruhare igire mu bikorwa by'iterambere rya Roho n'iry'umubiri. Yasezeranyike Myr Baltazar ubufatanye busesuye na Leta y'u Rwanda.

Abakristu bari benshi kuri Stade ya Kabgayi baje kwihera amaso umwepiskopi wabo mushya

Abayobozi mu nzego zitandukanye barimo na Minisitiri w'Intebe w'u Rwanda bitabiriye ibi birori ari benshi

Abepiskopi basaga 20 barangajwe imbere na Karidinali Kambanda bitabiriye Igitambo cya Misa cyatangiwe na Karidinali Kambanda akaza gukurwa na Myr Balthazar amaze guhabwa inkoni y'ubushumba

Myr Smaragde Monyintege ni we watanze inyigisho agaruka ku murimo w'umwepiskopi nk'umusaseridoti mukuru ku rugero rwa Kristu

Myr Arnaldo Sanchez Catalan, Intumwa ya Papa mu Rwanda yatangaje ubutumwa bwa Papa bwo kwifuriza Mgr Balthazar ishya n'ihirwe

Myr Smaragde Mbonyintege ni we wayoboye umuhango wo guha ubwepiskopi umusimbura we

Abakristu bakiranye ubwuzu Myr Balthazar anabaha umugisha wa mbere nk'umwepiskopi wabo

Nyuma y'ibirori hakurikiyeho ibirori byasusurukijwe n'itorero rya ESB Kamonyi

Mu ijambo rye Myr Smaragde yashimiye abamufashije mu gihe amaze ari umwepiskopi wa Kabgayi anashimira Perezida wa Repubulika Paul Kagame wamugabiye inka

Mu izina ry'inama y'Abepiskopi Karidinali Kambanda yashimiye Myr Balthazar amwizeza ko we n'Abepiskopi bagenzi be bazakomeza kumuba hafi

Mu gusoza abakristu ba Kabgayi baririmbye indirimbo ya Te Deum, indirimbo y'Igisingizo cy'Imana ikunze kuririmbwa mu birori bisoza umwaka

Amamariza hano Menyekanisha ibikorwa byawe ku basomyi ba Kinyamateka Advertise here

Ibitekerezo (1)

F

fidele 16 Nzeri 2026

Byiza cyane

Myr Balthazar Ntivuguruzwa yinjiye mu ruhererekane rw'Abepiskopi ba Kabgayi

Ibitekerezo (1)

Izindi nkuru

Papa Leo XIV yasabye Abanyaburayi guhitamo impuhwe n’urukundo aho kwihorera

Papa Leo XIV i Metz: “Ibiganiro hagati y’amadini ntibihungabanya ukwemera kwa buri muntu”

Kuki Abepiskopi bongeye gushimangira gukurikirana amasekuru y’abagiye guhana Isakramentu ry’Ugushyingirwa?

Papa Leo XIV yifatanyije n’ibihumbi by’abakirisitu mu isengesho rya Rozari i Lourdes

Papa Leo XIV yasengeye i Lourdes ashyira igihugu cy’u Bufaransa n’abagituye mu maboko ya Bikira Mariya

“Imana ni yo isubiza inyota iri mu mutima wa buri muntu, ”Papa Leo XIV

Papa Leo XIV yakiriwe na Perezida Emmanuel Macron

Nyuma y’amakimbirane ya Trump n’ibitangazamakuru, Papa Leo XIV yashimangiye ubwisanzure bw’abanyamakuru

‘’Naje mu Bufaransa kwamamaza amahoro ya Kristu,’’ Papa Leo XIV

Papa Léon XIV yatangiye urugendo rwe rwa gatanu rwa gitumwa, agana mu Bufaransa

Kubaka Ingoro yihariye ya Mutagatifu Stanislas ku Ruyenzi: Umushinga ugiye guhuza Paruwasi na Diyosezi ya Kabgayi

Arkiyepiskopi wa Bloemfontein yamaganye ihohoterwa rikorerwa abagore nyuma y’iyicwa ry’abagore icyenda muri Afurika y’Epfo