Papa Fransisiko arasaba abakristu kumusabira kugira ngo azabashe gusubukura uruzinduko rwe muri Afurika bidatinze
Mu isengesho ry'Indamutso ya Malayika ryo kuri iki cyumweru tariki 12 Kamena 2022, Papa Fransisiko yasabye abakristu gukomeza kumusabira kugira ngo yoroherwe vuba, azabashe gusubukura bidatinze, uruzinduko yagombaga kugirira mu bihugu by'Afurika mu kwezi kwa Nyakanga uyu mwaka.
Kuri uyu wa gatanu tariki 10 Kamena 2022, ni bwo inkuru y'isubikwa ry'uruzinduko Papa Fransisiko yagombaga kugirira mu bihugu bya Konga na Sudani y'Epfo ku matariki ya 2-7 Nyakanga 2022 yamenyekanye. Ibiro bishinzwe itangazamakuru bya Vatikani bikaba byaratangaje ko iri hinduka ryashingiye ku nama z'abaganga bakurikirana uburwayi bw'ivi amaranye iminsi.
Kubera iri hinduka Papa Fransisiko yiseguye ku buyobozi bw'Ibiihugu bya Repubulika Iharanira Demokarasi ya Kongo na Sudani y'Epfo, aboneraho no gutangaza ko yizeye kuzasubukura uru ruzinduko vuba.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
