Kinyamateka
Amamariza hano Advertise here
Kinyamateka
Aheruka
Papa Leo XIV yasabye Abanyaburayi guhitamo impuhwe n’urukundo aho kwihorera Papa Leo XIV i Metz: “Ibiganiro hagati y’amadini ntibihungabanya ukwemera kwa buri muntu” Kuki Abepiskopi bongeye gushimangira gukurikirana amasekuru y’abagiye guhana Isakramentu ry’Ugushyingirwa? Papa Leo XIV yifatanyije n’ibihumbi by’abakirisitu mu isengesho rya Rozari i Lourdes Papa Leo XIV yasengeye i Lourdes ashyira igihugu cy’u Bufaransa n’abagituye mu maboko ya Bikira Mariya “Imana ni yo isubiza inyota iri mu mutima wa buri muntu, ”Papa Leo XIV
Kiliziya

Papa Fransisiko yatangiye uruzinduko rw'iminsi itandatu muri Canada

Guhera kuri iki cyumweru tariki 24 Nyakanga 2022 kugera tariki 30 Nyakanga 2022, Papa Fransisiko aragirira uruzinduko mu gihugu cya Kanada.

PF Padiri Fidele Mutabazi 24 Nyakanga 2022 · 2 min yo gusoma ·Ku Isi
Papa Fransisiko yatangiye uruzinduko rw'iminsi itandatu muri Canada
Papa Fransisiko yatangiye uruzinduko rw'iminsi itandatu muri Canada

Uru ruzinduko mu gihugu cya Canada rubaye nyuma y'imyaka makumyabiri Papa Yohani Pawulo wa II asuye iki gihugu akaba ari na rwo ruzinduko umupapa yaherukaga kugirira muri iki gihugu.

Rubaye kandi uruzinduko rwa 37 Papa Fransisiko agiriye hanze y'u Butaliyani. Nk'uko byatangajwe n'umunyamabanga wa Leta ya Vatikani intego y'uru ruzinduko rwa Papa muri Canada ni ugusaba imbabazi ba abasangwabutaka bo muri iki gihugu kubera ihohoterwa bakorewe n'abakoroni rikabambura ubuzima, umuco na gakondo yabo, na n'ubu benshi bakaba babana n'ibikomere bishingiye kuri aya mateka.

Uru ruzinduko rubaye urwa cumi na gatatu Papa Fransisiko agiriye ku mugabane w'Amerika kuva yaba papa. Kuko mu 2013 yasuye Brazil, 2015 asura Bolivia, Ecuador na Paraguay , yasuye kandi Cuba na USA, muri 2016 Papa Fransisiko yasuye Cuba na Mexico, 2017 asura Colombia, 2018 asura Chile na Peru, 2019 asura Panama naho 2022 akaba asuye Canada.

Nyuma y'urugendo rwamaze amasaha 10 n'minota 20 papa Fransisiko yageze Edmonton muri Kanada Saa 11:09 ni ukuvuga Saa Moya n'iminota 9 z'ijoro mu Rwanda. Muri uru rugendo Papa yoherereje ubutumwa abakuru b'ibihugu yanyuzeho birimo U Butaliyani, u Bufaransa, u Bwongereza, Irlande n'ibindi. Yifurije aba bayobozi n'abaturage b'ibyo bihugu ibyishimo amahoro n' ubumwe. Mu bindi byaranze uru rugendo Papa Fransisiko yishingikirije akabando yabashije gusuhuza buri wese mu banyamakuru 74 bamuherekeje muri uru rugendo.

Akigera ku kibuga cy'indege Mpuzamahanga cya Edmonton Papa Fransisiko yakiriwe n'abayobozi bakuru ba Canada, bari barangajwe imbere na Minisitiri w'intebe w'iki gihugu Justin Trudeau. Yakiriwe kandi n'abahagarariye ba gakondo bo muri iki gihugu banamwakirije umurishyo w'ingoma gakondo akigera muri iki gihugu.

Nyuma yo kwakirwa ku Kibuga cy'indege cya Edmonton, mu modoka ya Fiat 500 XL, papa Fransisiko yerekeje mu Iseminari yitiriwe mutagatifu Yozefu iri Edmonton aho agomba gucumbika mbere yo gukomeza izindi gahunda ziteganyijwe ku munsi w'ejo.

Ku isaha ya Saa tatu ni bwo Papa Fransisiko yahagurutse i Roma yerekeza muri Kanada mu rugendo rwe rwa 37
Ku isaha ya Saa tatu ni bwo Papa Fransisiko yahagurutse i Roma yerekeza muri Kanada mu rugendo rwe rwa 37
Ubwo yari mu ndege Papa Fransisiko yoherereje ubutumwa abakuru b'ibihugu yanyuzeho abaramutsa anabasabira amahoro, ibyishimo n'ubumwe. Yanaramukije abanyamakuru bari kumwe na we ababwira ko bakwiye kutibagirwa abageze mu zabukuru. Yanababwiye ko uru rugendo ari urigendo rw'ubwiyunge
Ubwo yari mu ndege Papa Fransisiko yoherereje ubutumwa abakuru b'ibihugu yanyuzeho abaramutsa anabasabira amahoro, ibyishimo n'ubumwe. Yanaramukije abanyamakuru bari kumwe na we ababwira ko bakwiye kutibagirwa abageze mu zabukuru. Yanababwiye ko uru rugendo ari urigendo rw'ubwiyunge
Ku isaha ya Sa moya n'iminota icyenda z'Ijoro ni bwo Papa Fransisiko yageze ku kibuga cy'Indege mpuzamahanga cya Edmonton
Ku isaha ya Sa moya n'iminota icyenda z'Ijoro ni bwo Papa Fransisiko yageze ku kibuga cy'Indege mpuzamahanga cya Edmonton
Minisitiri w'Intebe wa Canada Justin Trudeau n'abandi bayobozi bakuru bakiriye Papa Fransisiko ku Kibuga cy'indege
Minisitiri w'Intebe wa Canada Justin Trudeau n'abandi bayobozi bakuru bakiriye Papa Fransisiko ku Kibuga cy'indege
Abahagarariye ba gakondo bo muri Canada bakiriye Papa Fransisiko ku kibuga cy'indege
Abahagarariye ba gakondo bo muri Canada bakiriye Papa Fransisiko ku kibuga cy'indege
Nyuma yo kwakirwa Papa Fransisiko yerekeje mu Iseminari ya Mutagatifu Yozefu ya Edmonton aho acumbika mbere yo gukomeza gahunda z'umunsi wa kabiri
Nyuma yo kwakirwa Papa Fransisiko yerekeje mu Iseminari ya Mutagatifu Yozefu ya Edmonton aho acumbika mbere yo gukomeza gahunda z'umunsi wa kabiri
Amamariza hano Menyekanisha ibikorwa byawe ku basomyi ba Kinyamateka Advertise here

Ibitekerezo (0)

KM

Ufite konti? Injira

  • Nta gitekerezo kirahaba. Ba uwa mbere utanga igitekerezo.

Izindi nkuru

Byose