U Rwanda mu bihugu 110 byitabiriye Inama i Roma ku ikenurabushyo ry'urubyiruko
Kuva tariki 23 kugera 25 Gicurasi 2024, I Roma hateraniye Inama ku ikenurabushyo ry'urubyiruko ihuje ikaba yaritabiriwe n'abagera kuri 300 baturutse mu bihugu 110 birimo n'u Rwanda.
Iyi nama ifite insanganyamatsiko iti "Ikenurabushyo ry'urubyiruko rishya rimukiwe na Sinodi, irimo kubera ahitwa Ciampino, yateguwe na Dikasiteri ishinzwe umuryango, ubuzima n'Abalayiki, ikaba ihuje urubyiruko n'abashinzwe ikenurabushyo ry'urubyiruko hirya no hino ku isi.
Ku ruhande rw'u Rwanda iyi nama yitabiriwe na Padiri Alexis Ndagijimana, Umunyamabanga wa Komisiyo ishinzwe ikenurabushyo ry'urubyiruko (CEPJ), akaba ari kumwe na Mpinganzima Lidivine, Ukuriye urubyiruko rw'Abakobwa muri Komite y'urubyiruko ku rwego rw'Igihugu.
Mu byagarutsweho muri iyi nama harimo kurebera hamwe uko umunsi mpuzamahanga w'urubyiruko uherutse kubera Lisbonbe muri Portugal wagenze no gusuzuma imbuto z'urwanduko "Christus vivit" ruvuga ku ikenurabushyo ry'urubyiruko, rumaze imyaka itanu rutangajwe.
Iyi nama ibaye mu gihe Kiliziya yo mu Rwanda yitegura guhimbaza Yubile y'urubyiruko, ikazabera muri Diyosezi ya Ruhengeri tariki 25 Kanama 2024.
Iyi nama kandi yagarutse ku myiteguro yo guhimbaza Yubile y'urubyiruko izabera I Roma muri 2025, n'umunsi mpuzamahanga w'urubyiruko uzabera i Seoul muri Koreya muri 2027.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
