Yanditse inkuru 508 kuri Kinyamateka. Kuva 21 Gicurasi 2022 kugeza 29 Nzeri 2026.
Zerekanwe 14 muri 508
Kuri uyu wa 26 Mutarama 2026, Abapadiri bo muri Diyosezi ya Butare bahuriye mu mikino ya gicuti n’abapadiri bo muri Arikidiyosezi ya Kigali, imikino yateguwe hagamijwe gusurana, kurushaho kumenyana no kugirana ubusabane.
Kuri iki cyumweru tariki ya 25 Mutarama 2026, muri EAR Diyosezi ya Byumba hasorejwe icyumweru cyahariwe gusabira Ubumwe bw’Abemera Kristu ku rwego rw’igihugu, mu muhango witabiriwe n’abanyacyubahiro batandukanye bo mu nzego za Kiliziya, amadini n’amatorero, inzego z’ibanze, ndetse n’abakiristu benshi.
Papa Leo XIV yakiriye Grand Duke Guillaume V wa Luxembourg, Umuganwa Mukuru akaba umwe mu bagize Umuryango w’Ibwami wa Luxembourg, biteganyijwe ko ari we uzasimbura Se ku butegetsi, wari kumwe n’umugore we Grand Duchess Stéphanie, mu Ngoro ya Vatikani kuri uyu wa Gatanu tariki ya 23 Mutarama 2026, bagirana ibiganiro byaranzwe n’ubwumvikane n’ubushake bwo gukomeza gukorera hamwe mu ndangagaciro rusange zirimo amahoro, ubumuntu n’iterambere rirambye.
Kuri uyu wa 23 Mutarama 2026, mu ishuri ryitiriwe Mutagatifu Vincent Pallotti Academy riherereye i Gikondo, abaharererwa, ababyeyi, inshuti n’ubuyobozi bw’iri shuri bari mu byishimo byo guhimbaza umunsi mukuru w’ishuri, bahimbaza Mutagatifu waragijwe iri shuri.
Kuri uyu wa 17 Mutarama 2026, muri Paruwasi Katederali ya Byumba, habereye ibirori by’itangwa ry’Ubusaserdoti ku bari abadiyakoni batatu ari bo Oscar Kwizera, Emmanuel Kavutse na Jean de Dieu Nsabimana.
Mu itangazo ryashyizwe ahagaragara rihuriweho na Vatican na Leta ya Koweti, impande zombi zashimangiye akamaro ko kubahana no kubana mu mahoro hagati y’amadini atandukanye, bigaragaza icyerekezo gihamye cyo guteza imbere amahoro, ubwumvikane n’ubwiyunge mu karere k’Ikigobe cy’Abarabu, ubwo Karidinali Pietro Parolin, Umunyamabanga wa Leta ya Vatican, yagiriraga uruzinduko rwe muri Koweti.
Papa Leo XIV yashimye uruhare rw’itangazamakuru mu kubaka amahoro no guteza imbere ukuri, asaba ko ryahora rishingira ku bwisanzure, ibiganiro byubaka n’ubunyangamugayo. Ibi yabigarutseho kuri uyu wa 15 Mutarama 2026, mu butumwa yageneye ikinyamakuru cyo mu Butaliyani La Repubblica mu gihe kirimo kwizihiza yubile y’imyaka 50 kimaze gishinzwe.
I Vatican, Kuri uyu wa 15 Mutarama 2026 Papa Leo XIV yakiriye abagize imiryango y’abantu babuze ababo n’abakomerekeye mu nkongi y'umuriro ikomeye yabereye i Crans-Montana mu gihugu cy’u Busuwisi ku itariki ya 1 Mutarama 2026, abagezaho ubutumwa bw’ihumure, ukwizera n’icyizere gishingiye kuri Kristu wazutse.
Ibi Papa XIV ku wa 14 Mutarama 2026, mu nama rusange yagiranye n’abakristu i Vatikani, yagarutse ku nyigisho nshya yihariye ku nyandiko z’Inama ya Vatican II n’akamaro kazo mu buzima bwa Kiliziya n’abakristu b’iki gihe, asaba abakristu bo hirya no hino ku isi kongera gusubiza amaso ku butumwa bw’Inama ya Vatican II, cyane cyane inyandiko Dei Verbum, ashimangira ko ukwemera kwa gikristu gushingiye ku bucuti hagati y’Imana n’umuntu, aho Yezu abahamagarira kuba incuti ze aho kuba abagaragu gusa.
Inzu ya Vatikani ishinzwe gukora mosaiki (Vatican Mosaic Studio) yarangije gukora mosaiki y’ishusho ya Papa Leo XIV, igenewe gushyirwa muri Bazilika ya Mutagatifu Pawulo uri hanze y’inkuta, mu mujyi wa Roma. Iyo shusho yeretswe Papa Leo XIV mbere y’Inama Rusange yo kuri uyu wa Gatatu tariki ya 14 Mutarama 2026, yabereye i Vatikani.
Papa Leo XIV yabigarutseho kuri uyu wa 13 Mutarama 2026, muri Numero y’inkuru ya Mutarama y’ikinyamakuru Piazza San Pietro, yahawe insanganyamatsiko y’amahoro, aho yasubizaga ibaruwa ya Nunzia, umwigisha wa Gatigisimu wo mu Busuwisi, wamugaragarije impungenge zishingiye ku kugabanuka kw’abitabira ubuzima bwa paruwasi, cyane cyane imiryango n’urubyiruko.
Kuri uyu wa Mbere tariki ya 12 Mutarama 2026, Papa Leo XIV yakiriye Maria Corina Machado, umunyapolitiki akaba n’uharanira uburenganzira bwa muntu wo muri Venezuela, mu Ngoro y’Intumwa ya Papa (Apostolic Palace) i Vatican.
Karidinali Pietro Parolin, Umunyamabanga wa Leta ya Vatican, yasabye umugabane w’Uburayi kongera kwisanga mu ndangagaciro zawo zishingiye ku bukristu, agaragaza ko ikibazo nyamukuru atari ubuke bw’abakirisitu, ahubwo ari ukubura ubutwari mu guhamya ukwemera.
Mu gihe isi ikomeje guhangana n’ikibazo cy’ihohoterwa ryo mu ngo, itotezwa n’ihezwa bikorerwa abagore n’abana, Umuryango w’Ababikira ba Bikira Mariya Nyina w’Impuhwe z’Umushumba Mwiza (La Congrégation des Sœurs de Notre-Dame de Charité du Bon Pasteur), ukomeje kwiyemeza ubutumwa bwo kuba hafi y’abababaye, ubaha ihumure , icyubahiro n’icyizere.
