Yanditse inkuru 508 kuri Kinyamateka. Kuva 21 Gicurasi 2022 kugeza 29 Nzeri 2026.
Zerekanwe 14 muri 508
Umushumba wa Kiliziya Gatolika ku isi, Papa Leo XIV, yasabye abakozi ba Leta y’u Butaliyani gukorera inyungu rusange z’igihugu, bagaharanira ko abaturage bose babona serivisi za Leta nta vangura, cyane cyane abakennye n’abatishoboye.
Kuri iki Cyumweru tariki ya 15 Gashyantare 2026, imbere ya Nyiricyubahiro Antoine Karidinali Kambanda, Arikiyepiskopi wa Kigali, n’imbere y’imbaga y’abakiristu, Padiri Alphonse Dusengumuremyi yarahiriye ku mugaragaro kuyobora Paruwasi ya Rulindo, avuga ko agiye gushyira imbaraga mu kurushaho kwegera abakiristu mu ngo zabo.
Paruwasi ya Rulindo ni imwe mu maparuwasi 44 agize Arikidiyosezi ya Kigali ari nayo yaboneye izuba mbere andi maparuwasi y’iyi Arikidiyosezi, ikaba ifite amateka akomeye mu kwagura Kiliziya Gatolika mu Rwanda nk'uko byagarutsweho mu guhimbaza Yubile y’Ubwigishwa na Batisimu mu myaka 50 ishize Arikidiyosezi ya Kigali ishinzwe.
Padiri Alphonse Dukuzumuremyi, Padiri Mukuru wa Paruwasi ya Rulindo, yihanganishije umuryango wa Nyakwigendera Tusali Appolinarie wari ugiye gusezeranira muri Paruwasi ayoboye, witabye Imana azize impanuka yabaye kuwa Gatandatu tariki ya 14 Gashyantare 2026.
Mu birori byo kwizihiza Yubile y’Isakaramentu rya Batisimu n’Ubwigishwa mu myaka 50 Arikidiyosezi ya Kigali imaze ishinzwe, byabereye muri Paruwasi ya Rulindo kuri uyu wa 15 Gashyantare 2026, Padiri Anastase Nzabonimana, ukorera ubutumwa muri Paruwasi ya Kabuga akaba anashinzwe ubwigishwa muri Arikidiyosezi ya Kigali, yagarutse ku mateka y’Ubwigishwa, agaragaza aho bwavuye n’aho bugeze muri iyi myaka 50 ishize.
Kuri uyu wa 15 Gashyantare 2026, muri Paruwasi ya Rulindo hahimbarijwe Yubile y’Isakaramentu rya Batisimu n’ubwigishwa mu rwego rwo kwizihiza imyaka 50 Arikidiyosezi ya Kigali imaze ishinzwe.
Kuri uyu 11 Gashyantare 2026, mu guhimbaza Umunsi Mpuzamahanga wahariwe Abarwayi, Papa Leo XIV yasenganye n’abarwayi ku rukuta rwa Bikira Mariya w’i Lourdes mu busitani bwa Vatikani, anagaragaza ko urugero rwa Bikira Mariya rwigisha abakirisitu gusobanukirwa ububabare, urukundo no kwiringira Imana.
Mu rwego rwo gukomeza umurage wa Kiliziya Gatolika wo guharanira amahoro, ubutabera n’icyubahiro cya muntu, Ihuriro ry’Inama z’Abepiskopi Gatolika muri Afurika no muri Madagascar (SECAM) n’Umuryango w’Ubumwe bw’Afurika (AU) bagiye gushyira umukono ku masezerano mashya y’ubufatanye agamije guteza imbere amahoro n’iterambere rirambye ku mugabane wa Afurika.
Mu gihe Diyosezi ya Nyundo iri mu bikorwa byo guhimbaza icyumweru cyahariwe umuryango, cyashyizweho n’Inama y’Abepiskopi Gatolika mu Rwanda binyuze muri Komisiyo ishinzwe Ikenurabushyo ry’Umuryango, kigamije gukangurira abakirisitu kwimakaza indangagaciro z’umuryango wa gikristu, yashimangiye uruhare rw’urukundo rwa gikristu mu kubaka umuryango uhamye.
Paruwasi ya Save ni imwe mu nkingi z’amateka y’ubukiristu mu Rwanda, aho ivanjiri yatangiriye igakwirakwira mu gihugu hose. Iyi Paruwasi yashinzwe kuwa 8 Gashyantare 1900 na Musenyeri Hirt, ayiha abapadiri bera barimo Padiri Brard, Padiri Barotoromayo n’umuferere Anselme.
Nk’uko biri muri gahunda ya Komisiyo y’Abepiskopi ishinzwe Umuryango, yifuje ko abakirisitu bose bitabira ibikorwa byo guhimbaza icyumweru cy’umuryango, cyahujwe n’Umunsi wa Saint Valentin, mu bikorwa byatangiye kuwa 06 bikazarangira kuwa 15 Gashyantare 2026, Diyosezi ya Byumba yagaragaje umwihariko wayo, aho amwe mu maparuwasi yatangiye mbere ibi bikorwa.
Kuri uyu wa 08 Gashyantare 2026, ubwo Paruwasi ya Save yizihizaga isabukuru y’imyaka 126 ishize ishinzwe, abakirisitu bayo bongeye gusaba Musenyeri Jean Bosco Ntagungira, Umwepiskopi wa Diyosezi ya Butare, kubafasha kugira ngo hashyirweho ahantu ndangamateka nk’ahantu hatangiriye ubukiristu mu Rwanda.
Musenyeri Jean Bosco Ntagungira, Umwepiskopi wa Diyosezi Gatolika ya Butare, yagaragaje ko Paruwasi ya Save ari ishema rikomeye mu mateka y’ivanjiri mu Rwanda, ashimangira ko abakirisitu baho badakwiye gusigara inyuma mu gukomeza kwamamaza Ivanjiri.
Kuri uyu wa 06 Gashyantare 2026, Papa Leo XIV yasohoye ubutumwa bugamije kwizihiza Umunsi Mpuzamahanga wo gusabira no gukangurira abantu kurwanya icuruzwa ry’abantu, ashimangira ko ari icyaha gikomeye kibangamiye inyokomuntu. Yongeye kwemeza ko Kiliziya Gatolika yiyemeje kurwanya no guca burundu iki cyaha gikomeje gufata indi ntera ku isi.
