Abaseminari bakuru n'abarezi babo bakoreye urugendo Nyobokamana i kibeho
Kuri uyu wa 7 Ukwakira 2023, Abaseminari bakuru bose bo mu Rwanda hamwe n'abarezi babo bakoreye urugendo nyobokamana I Kibeho. Ni urugendo rwanitabiriwe na Myr Celestin Hakizimana, Umwepiskopi wa Gikongoro na Myr Balthazar Ntivuguruzwa, Umwepiskopi wa Kabgayi akaba ari na we ushinzwe Seminari Nkuru mu Nama y'Abepiskopi Gatolika mu Rwanda.
Ni urugendo rwabaye ku munsi Kiliziya mu Rwanda yibuka imyaka 106 ishize Kiliziya ibonye abapadiri kavukire.
Abaseminari 500 ni bo bitabiriye uru rugendo bakaba baturutse muri Seminari Nkuru ya Tewolojiya ya Nyakibanda, Seminari Nkuru ya Filozofiya ya Kabgayi, Seminari Nkuru ya Rutongo na Seminari Nkuru ya Nyumba.Bakaba baherekejwe n'abarezi babo bagera kuri 20.
Ni uruzinduko ruzaba ngarukamwaka rukaba rugamije kwibutsa abaseminari umwanya wa Bikira Mariya mu buzima bw'umupadiri n'uwitegura kuba we.
(Kanda ahari akamenyetso k'ijwi wumve inyigisho yose Myr Celestin Hakizimana yagejeje ku bafaratiri).
Ibitekerezo (0)
- Nta gitekerezo kirahaba. Ba uwa mbere utanga igitekerezo.
