Igihugu cya Uganda mu myiteguro yo kubona undi mutagatifu

Mu kiganiro Musenyeri John Baptista Odama, Arkiyepiskopi wa Gulu yagiranye na Vaticannews dukesha iyi nkuru, yayitangarije ko bakomeje imyiteguro y’umunsi mukuru w’ishyirwa mu rwego rw’abahire rya Padiri Giuseppe Ambrosoli umumisiyoneri wakoze akazi gakomeye muri iki gihugu, by’umwihariko akanagira uruhare mu bikorwa by’ubuvuzi no kwita kubatishoboye bo mu karere ka Gulu.

Myr Odama yatangaje ko imihango yo gushyira Padiri Giuseppe Ambrosoli mu bahire(Beatification) izaba ku wa 20 Ugushyingo 2022 muri Arkidiyosezi ya Gulu, muri Paruwasi ya Kalongo iherereye mu birometero 130 uvuye kuri Arkidiyosezi, ari naho uyu mupadiri yakoreraga ubutumwa mbere yo kwitaba Imana. Akazaba umuhire wa gatatu wo muri iyi Arkidiyosezi nyuma y’umuhire Jildo Irwa na Daudi Okello.

Padiri Giuseppe Ambrosoli yavukiye I Como, mu Butaliyani mu mwaka w’1923, yageze mu gihugu cy’Ubuganda mu 1956, ari Padiri mu muryango w’abamisiyoneri, ahabwa ubutumwa muri paruwasi ya Kalongo. Ageze muri aka gace, Umurimo wo kwigisha Ivanjili yawufatanyije n’uwo kuvura abaturage bahatuye, nuko anahashinga Ibitabo(Hospital)bya Galongo, n’uyu munsi bigihari. Yapfuye mu1987 ahamaze imyaka 31.

Nyuma y’urupfu rwe, abatuye muri aka karere n’abakristu bashingiye ku bikrwa bye by’ukwemera, n’ibyo urukundo byaranze uburima bwe basaba ubuyobozi bwa kiliziya muri iki gihugu kubasabira Roma yo uyu mupadiri yashyirwa mu batagatifu ba Kiliziya.

Nyuma y’uko ubusabe bwabo bwemewe, ndetse bakanagirwa inama yo gutangira kumwiyambaza kugira ngo hagaragare igitangaza gishingiye ku kuba hari abamwiyambaza, Myr Odama avuga ko igitangaza cyabonetse ubwo umwe mu barwayi bari barwariye muri ibi bitaro yamwiyambaje maze agakira.

Kuva ubwo dekasiteri ishinzwe ishyirwa mu rwego rw’abatagatifu muri Kiliziya yatangije urugendo rwo kuba yamushyirwa mu rwego rw’abatagatifu. Ku itariki ya 22 Ugushyingo 2020 nibwo byari biteganyijwe ko Padiri Ambrosoli azashyirwa mu bahire biza guhindurwa n’uko kiriya gihe muri iki gihugu hari hakiri icyorezo cya Koronavirusi, uyu muhango ukaba warimuriwe ku itariki 20 Ugushyingo 2022, ukazabera muri Arkidiyosezi ya Gulu, Paruwasi ya Kalongo.