Mutagatifu duhimbaza kuri uyu wa 9 Kanama 2022: Mutagatifu Edith Stein
Kuri uyu wa 9 Kanama, turahimbaza Mutagatifu Edith Stein, cyangwa Mutagatifu Therese Benedicte de la Croix, umukarumerita wahowe Imana mu gihugu cya Polonye mu mwaka wa 1942.
Mutagatifu Edith Stein cyangwa Edita, yavutse 12 Ukwakira 1891 mu muryango w'Abayahudi. Yabaye Mwarimu muri Kaminuza ya Wroclaw ndetse aza no guhinduka aba umukristu n'ubwo bitamworoheye kubera ko umuryango we wamurwanyije.
Mu gihe Abanazi batotezaga Abayahudi nibwo Edith Stein yinjiye mu muryango w'Abakarumeritamu gihugu cy'u Budage yiyemeza kubabarana n'Abayahudi bagenzi be bicwagwa urubozo n'Abanazi. Nyuma yaje guhungira mu Buhorandi ari na ho yafatiwe ubwo yari muri Karumeri ya Echt. Yiciwe Auschwitz nyuma y'iminsi umunani afashwe.
Yashyizwe mu rwego rw'abatagatifu i Roma, tariki 11 ukwakira1998, nk'umukarumelita wahowe Imana. Afatwa nk'umubyeyi ugira urugwiro no kwizera. Tariki ya 1 Ukwakira 1999, yagizwe Umurinzi wa Kabiri w'Umugabane w'u Burayi.
Uyu munsi wizihizwa na bamwe mu bafite amazina akurikira Benedicta, Edita, Tereza na Tereza Benedicta. Mu zindi ndimi zitandukanye abahimbaza uyu munsi ni abafite amazina akurikira: Aldith, Alith, Alitha, Benedetta, Bénédict, Resi,Tara, Térésa,Térésina,Teresinha,Terèso,Tess,Tessa,Théry naTracy.
Kinyamateka yifurije umunsi mwiza bahimbaza by'umwihariko Mutagatifu Edith Stein.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
