Yanditse inkuru 283 kuri Kinyamateka. Kuva 21 Gicurasi 2022 kugeza 29 Gicurasi 2024.
Zerekanwe 14 muri 283
Papa Fransisiko wari umaze iminsi 9 arwariye mu Bitaro bya Gemelli biherereye mu mujyi wa Roma, mu gitondo cyo kuri uyu wa Gatanu tariki 16 Kamena 2023 yasezerewe mu bitaro asubira i Vatikani ku cyicaro cya Kiliziya Gatolika.
Umuvugizi wa Vatikani Matteo Bruni, kuri uyu wa 14 Kamena 2023 yatangaje ko Papa Fransisiko wari umuze icyumweru arwariye mu Bitaro bya Gemelli i Roma arimo koroherwa, akaba yitegura gusubira mu rugo rwe mu minsi mike iri imbere.
Mu butumwa yagejeje ku bitabiriye umuhago wo kwizihiza umwaka wahariwe kwita ku burere bw’abana mu mashuri ku rwego rwa Diyosezi ya Ruhengeri ku wa Gatanu tariki 9 Kamena 2023, Myr Visenti Harolimana Umwepiskopi wa Ruhengeri yibukije ababyeyi ko kurera umwana ushoboye kandi ushobotse bitangira akiri muto; yibutsa abarezi ko umurimo bakora ari umuhamagaro mbere yo kuba akazi cyangwa ikiraka.
Abagenerwabikorwa b’umushinga “Graduation ” wa Caritas Rwanda ku nkunga ya UNHCR barashima ko ubumenyi bw’amasomo y’imyuga no guhanga imirimo bishyuriwe n’uyu mushinga bwabafashije kwiyubakira ejo hazaza nk’impunzi, mu gihe imfashanyo zaba zitakiboneka uko bikwiye bakaba bakomeza kwibeshaho.
Ingo z’abashakanye bo muri Paruwasi Gaseke y’Itorero Angilikani mu Rwanda (EAR) zahoraga mu makimbirane aterwa n’ ihohoterwa rishingiye ku gitsina zivuga ko iki kibazo kitakizigaragaramo nyuma y’amahugurwa zahawe na Komisiyo y’ubutabera n’amahoro ku bufatanye bwa Kiliziya Gatolika n’Itorero Angilikani mu Rwanda.
Mu rugendo rwo gusura abagenerwabikorwa b’umushinga SCIAF wa Caritas yo muri ECOSSE ku bufatanye na Komisiyo y’Ubutabera n’Amahoro ya Kiliziya Gatolika mu Rwanda;intumwa z’iyi Caritas zishimiye intambwe abagenerwabikorwa b’uyu mushinga bo muri Paruwasi ya Mutete, Diyosezi ya Byumba bamaze gutera mu bumwe n’ubwiyunge no gukemura amakimbirane.
Abanyamuryango ba Kopetarive y’abatwara abagenzi ku magare mu mujyi wa Nyamata COTRAVENYA barishimira ko batagikorera mu gihombo n’akajagari. Ni nyuma yo gutangira kwishyura ideni rigera kuri miliyoni 3 ryaturutse ku micungire mibi y’iyi koperative mu myaka yashize, ubu bakaba bamaze kugura ikibanza iyi koperative iteganya gukoreramo ibindi bikorwa bibyara inyungu.
Mu muhango wo kwizihiza umunsi mpuzamahanga wahariwe kuzirikana uburwayi bwa Clubfoot wizihirijwe muri Foyer de Charite ku Irebero kuwa 2 Kamena 2023, abana bavuwe ubu burwayi bagaragaje ko Umuryango Hopewalks Rwanda utabavuye gusa ahubwo wabongereye n’amahirwe yo gukuza impano yo gukina umupira.
Kuva tariki 31 Gicurasi 2003 kugera tariki 31 Gicurasi 2023 Imyaka 20 iruzuye Ingoro ya Bikira Mariya Umunyamibabaro y’i Kibeho ihawe Umugisha. Twongere twibukiranye amwe mu mateka y’iyi ngoro.
Kuri uyu wa Gatatu Tariki 31 Gicurasi 2023, Nyirubutungane Papa Fransisiko, Umushumba wa Kiliziya Gatolika ku isi arifatanya n’ abakristu gatolika mu ngoro za Bikira Mariya hirya no hino ku isi mu isengesho ryo gusabira no gutura Umubyeyi Bikira Mariya Sinodi y’Abepiskopi.
Ku wa mbere tariki 29 Gicurasi 2023, Papa Fransisiko yashyikirije Perezida w’u Butaliyani Sergio Mattarella igihembo cyitiriwe Papa Paul VI gihabwa umuntu (cyangwa ikigo) wagaragaje uruhare rukomeye mu guteza imbere iyobokamana ku isi
Tariki 26 Gicurasi Kiliziya Gatolika ihimbaza Mutagatifu Andereya Kaggwa umwe mu bahowe Imana b’i Buganda, wagaragaje ishyaka n’ubutwari bwo kwamamaza inkuru nziza muri iki gihugu, akemera no guhara amagara ye. Amateka ye n’ukwemera kwe ni isomo kuri benshi bafite inyota y’ubutagatifu; Kiliziya Gatolika yamugize umurinzi w’Abakateshiste.
Mu gihe inzego z’ubuzima ku isi ziri mu myiteguro yo kwizihiza umunsi mpuzamahanga wahariwe kurwanya indwara ya “ Clubfoot” World Clubfoot Day uzizihizwa ku wa 2 Kanama 2023, Umuryango Hope Walks Rwanda ufatanya na Minisiteri y’Ubuzima kurwanya iyi ndwara mu Rwanda urahamagarira ababyeyi kuba maso no kuvuza hakiri kare abana bato bayivukanye kuko ivurwa igakira.
Mu kiganiro yagejeje ku bitabiriye nteko rusange ya 77 y’Inama y’Abepiskopi Gatolika bo mu Butaliyani kuri uyu wa Kane; Papa Fransisiko yagarutse ku ruhare rwa buri wese ku migendekere myiza ya Sinodi y’Abepiskopi; abasaba kutagira usigara inyuma muri uru rugendo rwo kugendera hamwe.
