Yanditse inkuru 508 kuri Kinyamateka. Kuva 21 Gicurasi 2022 kugeza 29 Nzeri 2026.
Zerekanwe 14 muri 508
Kuri uyu wa Gatatu tariki ya 22 Mata 2026, Papa Leo XIV yasuye ishuri ryigisha ikoranabuhanga ryitiriwe Papa Francis riherereye i Mongomo mu gihugu cya Equatorial Guinea, mu ruzinduko rwe rwa nyuma yari amazemo iminsi muri iki gihugu.
Mu rwego rwo kuzirikana umwaka umwe ushize Papa Francis atabarutse, hateguwe igitaramo cyihariye kizabera mu gihugu cya Malta, kikaba kizahuza umuziki n’ubutumwa bwo gufasha abatishoboye.
Nyuma y’iminsi itatu mu gihugu cya Cameroon, aho yagiriye ibikorwa bitandukanye byibanze ku mahoro, ubumwe n’iterambere ry’abaturage, Umushumba wa Kiliziya Gatolika ku isi, Papa Leo XIV, yageze muri Angola kuwa 18 Mata 2026, mu rugendo rukomeje gutuma yegera abakirisitu no kubaha ubutumwa bw’ihumure n’icyizere.
Kuri uyu wa 20 Mata 2026, Abapadiri ba Diyosezi ya Kabgayi basuye bagenzi babo bakorera ubutumwa muri Diyosezi ya Ruhengeri bari kumwe n’abepiskopi babo, bahurira mu mikino ya gicuti igamije gushimangira ubuvandimwe hagati yabo.
Kuri uyu wa 19 Mata 2026, ubwo abana b’abaririmbyi ba Pueri Cantores Itorero rya Gitarama bakoreraga uruzinduko muri Paruwasi ya Kicukiro, baje gusura bagenzi babo bitegura guhabwa amasezerano no kwakirwa mu muryango w’abana b’abaririmbyi Pueri Cantores. Padiri Gwiza Joseph yatangaje ko igitekerezo cyo gushinga uyu muryango byari mu nzozi ze.
Papa Leo XIV yageze muri Angola kuri uyu mugoroba tariki ya 18 Mata 2026, aho atangiye igice cya Gatatu cy’uruzinduko rwe rw’ubutumwa ari kugirira ku mugabane wa Afurika.
Mu gihe yari mu ndege ava i Yaoundé yerekeza i Luanda muri Angola kuri uyu wa 18 Mata 2026, ku cyiciro cya gatatu cy’uruzinduko rwe muri Afurika, Papa Leo XIV yaganiriye n’abanyamakuru bari bamuherekeje, abasobanurira neza intego y’uruzinduko rwe ndetse anasubiza ku byavuzwe ku magambo ye mu minsi ishize.
Ku munsi wa Gatanu w’uruzinduko rwe muri Afurika ukaba umunsi we wa Gatatu muri Cameroon tariki ya 17 Mata 2026, Papa Leo XIV yagarutse ku kibazo gikomeye cy’inzara, asaba buri wese kugira uruhare mu kugishakira umuti.
Ku mugoroba wo kuwa Gatanu tariki ya 17 Mata 2026, Papa Leo XIV yagiranye ibiganiro n’abahagarariye imiryango y’Abihayimana muri Cameroon, abasaba gukomeza gukorera mu bumwe na Kiliziya no kwitangira abakene n’abari mu kaga.
Mu kiganiro yagiranye n’abagize Kaminuza Gatolika ya Afurika yo Hagati {Catholic University of Central Africa}, iherereye i Yaoundé muri Cameroon, kuri uyu wa 17 Mata 2026, Papa Leo XIV yagaragaje ko za kaminuza zifite inshingano ikomeye yo gutegura abayobozi n’abanyamwuga bazaharanira inyungu rusange mu bihugu byabo no ku rwego mpuzamahanga.
Papa Leo XIV uri mu ruzinduko rwe rw’ubutumwa muri Afurika, kuri uyu wa 17 Mata 2026, yasuye ibitaro bya Kiliziya byitiriwe Mutagatifu Paul [Saint Paul Catholic Hospital] biherereye mu mujyi wa Douala, aho yahuye n’abarwayi, imiryango yabo ndetse n’abakozi bahakorera.
Ku munsi wa gatatu w’uruzinduko rwe muri Cameroon, kuri uyu wa 17 Mata 2026, Papa Leo XIV yaturiye igitambo cya Misa mu mujyi wa Douala, asaba urubyiruko rwa Afurika kwirinda ruswa, ihohoterwa n’ibishuko bibaganisha mu bikorwa byangiza ubuzima n’ejo hazaza habo.
Nyuma yo kuva mu mujyi wa Bamenda, Papa Leo XIV yasubiye i Yaoundé, aho yagiranye ibiganiro n’abahagarariye imiryango y’Abayisilamu bo mu gihugu cya Cameroon, abashishikariza gukomeza kwimakaza amahoro ashingiye ku bwubahane n’ubwumvikane hagati y’amadini.
Ku munsi wa kane w’uruzinduko arimo kugirira ku mugabane wa Afurika, ukaba umunsi wa Kabiri mu gihugu cya Cameroon kuri uyu wa 16 Mata 2026. Papa Leo XIV yasuye umujyi wa Bamenda mu gihugu cya Cameroon, aho yibanze ku kibazo cy’intambara iri hagati ya Leta ya Cameroon n’abaturage bayo bavuga Icyongereza imaze imyaka isaga icumi, izwi nka “Anglophone Crisis”.
