Kinyamateka
Amamariza hano Advertise here
Kinyamateka
Aheruka
Papa Leo XIV yasabye Abanyaburayi guhitamo impuhwe n’urukundo aho kwihorera Papa Leo XIV i Metz: “Ibiganiro hagati y’amadini ntibihungabanya ukwemera kwa buri muntu” Kuki Abepiskopi bongeye gushimangira gukurikirana amasekuru y’abagiye guhana Isakramentu ry’Ugushyingirwa? Papa Leo XIV yifatanyije n’ibihumbi by’abakirisitu mu isengesho rya Rozari i Lourdes Papa Leo XIV yasengeye i Lourdes ashyira igihugu cy’u Bufaransa n’abagituye mu maboko ya Bikira Mariya “Imana ni yo isubiza inyota iri mu mutima wa buri muntu, ”Papa Leo XIV
Uburezi n'umuco

Diyosezi ya Ruhengeri yamurikiye urubyiruko urwibutso rwa Carlo ACUTIS irusaba kumwigiraho gukoresha neza itumanaho

Kuri uyu wa 23 Ugushyingo 2025, Paruwasi ya Nyakinama, Diyosezi ya Ruhengeri yamuritse urwibutso rwa Mutagatifu Carlo ACUTIS isaba ko rwamwigana gukoresha neza ikoranabuhanga rigezweho bakaryifashisha mu kogeza Ivanjili aho kubashora mu bibonona.

PF Padiri Fidele Mutabazi 23 Ugushyingo 2025 · 1 min yo gusoma
Diyosezi ya Ruhengeri yamurikiye urubyiruko urwibutso rwa Carlo ACUTIS irusaba kumwigiraho gukoresha neza itumanaho
Diyosezi ya Ruhengeri yamurikiye urubyiruko urwibutso rwa Carlo ACUTIS irusaba kumwigiraho gukoresha neza itumanaho

Umuhango wo gutaha iyi shusho wabereye mu birori bya Kristu Umwami, byahujwe n'umunsi w'urubyiruko, na Yubile mu rwego rw'itumanaho muri Diyosezi ya Ruhengeri.

Mu butumwa yagejeje ku rubyiruko, Myr Visenti Harolimana, yasabye abana n'urubyiruko kwigana urugero rwa Mutagatifu Carlo ACUTIS umutagatifu wo muri iki gihe na bo barimo cy'iterambere mu ikoranabuhanga mu itumanaho.

Yagize ati"Bana, rubyiruko, namwe mwaba abatagatifu. Mwaba abatagatifu nka Carlo ACUTIS washyizwe mu rwego rw'abatagatifu muri Nzeri uyu mwaka na Papa Leon XIV."

Yakomeje avuga ko ACUTIS yaranzwe no gukunda Ukarisitiya no kwamamaza ibitangaza byayo ndetse no gukunda umubyeyi Bikira Mariya. Yavuze ko yifashishije imbuga nkoranyambaga, yatanze ubuhamya bukomeye bw'ukwemera kandi abikora kuva akiri muto. Dore ko yanitabye Imana ku myaka 15 gusa.

Myr Harolimana yasabye urubyiruko kwigana uyu mutagatifu gukoresha neza interineti n'imbuga nkoranyambaga bakabikoresha bamamaza Ivanjili aho kurikoresha mu bibasenya.

Ibirori bya Yubile y'Itangazamakuru byitabiriwe n'abayobozi batandukanye barimo Mugabowagahunde Maurice, Guverineri w'Intara y'Amajyaruguru.

Umuhango wo guha umugisha ishusho ya Carlo Acutis
Umuhango wo guha umugisha ishusho ya Carlo Acutis
Myr Visenti Harolimana aha umugisha ishusho ya Carlo ACUTIS
Myr Visenti Harolimana aha umugisha ishusho ya Carlo ACUTIS
Ishusho ya Carlo Acutis iri ku mbuga ya paruwasi Nyakinama
Ishusho ya Carlo Acutis iri ku mbuga ya paruwasi Nyakinama
Amamariza hano Menyekanisha ibikorwa byawe ku basomyi ba Kinyamateka Advertise here

Ibitekerezo (0)

KM

Ufite konti? Injira

  • Nta gitekerezo kirahaba. Ba uwa mbere utanga igitekerezo.

Izindi nkuru

Byose