Ishuri Rikuru Gatolika rya Kabgayi (ICK) ryatangije umushinga wo korora amafi hifashishijwe ikoranabuhanga
Kuri uyu wa 9 Ukwakira 2026, Ishuri Rikuru Gatolika rya Kabgayi (ICK) ryatangije ku mugaragaro umushinga wo kugerageza no gukwirakwiza uburyo bushya bwo korora amafi buzwi nka Biofloc Technology (BFT), bugamije kongera umusaruro w’amafi, kugabanya ibiciro by’ubworozi no gukoresha neza amazi n’ubutaka.
Uyu mushinga witwa “Introduction of Biofloc Technology for High Profitable Aquaculture in Rwanda”, uterwa inkunga na Enabel binyuze muri gahunda ya DeSIRA ku kunga y’Umuryango w’Ubumwe bw’u Burayi, ukazashyirwa mu bikorwa kugeza muri Mata 2029.
Ubuyobozi bwa ICK, busobanura ko uteganya kugera ku borozi b’amafi bagera kuri 3,125, ndetse n’abajyanama cyangwa inzobere mu bworozi bw’amafi bagera kuri 56.
Mu muhango wo gutangiza ku mugaragaro umushinga w’uburyo bushya bwo korora amafi buzwi nka Biofloc Technology (BFT), Umuyobozi Mukuru w’Ishuri Rikuru Gatolika rya Kabgayi (ICK), Padiri Prof. Fidèle Dushimimana, yavuze ko uyu mushinga ugamije kongera umusaruro w’amafi mu buryo burambye, guteza imbere ubukungu, guhanga imirimo no guteza imbere kwihaza mu biribwa mu Rwanda.
Yashimangiye ko ikoranabuhanga rya BFT rikoresha imyanda y’amafi mu kongera intungamubiri zifasha mu bworozi bwayo, bityo rigafasha kongera umusaruro no guteza imbere ubworozi bw’amafi burambye.Padiri Prof. Dushimimana yavuze ko ICK yifuza ko umusaruro w’ubushakashatsi utagarukira mu nyandiko, ahubwo wagera ku Banyarwanda, ukaboneka ku masahani yabo.
Yagaragaje kandi ko uyu mushinga ari amahirwe yo kurushaho gushimangira ubufatanye hagati y’amashuri makuru, abashakashatsi, abikorera, abaturage n’abafatanyabikorwa mu iterambere.
Yashimiye Umuryango w’Ubumwe bw’u Burayi, binyuze muri gahunda ya DeSIRA+, ku nkunga watanze, avuga ko irenze ubufasha bw’amafaranga kuko inagaragaza icyizere wagiriye ICK n’ubushobozi bwayo bwo gukora ubushakashatsi bufitiye igihugu akamaro.
Yasoje yizeza abafatanyabikorwa ko ICK izakora ibishoboka byose kugira ngo umushinga ushyirwe mu bikorwa uko wateganyijwe, hubahirizwa igihe, intego n’amabwiriza agenga imikoreshereze y’inkunga yatanzwe, kugira ngo umusaruro wawo ube impinduka zifatika mu mibereho y’Abanyarwanda.
Ati“Binyuze mu ikoranabuhanga rya Biofloc Technology (BFT), rihindura imyanda y’amafi intungamubiri, uyu mushinga ugamije kongera umusaruro w’amafi mu buryo burambye, guteza imbere ubukungu, guhanga imirimo no kugira uruhare mu kwihaza mu biribwa mu Rwanda."
Uyu mushinga ni andi mahirwe yo gushimangira ubufatanye hagati y’amashuri makuru, abashakashatsi, abikorera, abaturage n’abafatanyabikorwa mu iterambere.
Padiri Prof. Fidèle DUSHIMIMANA, Umuyobozi wa ICK
Ubuyobozi bwa ICK, busobanura ko uteganya kugera ku borozi b’amafi bagera kuri 3,125, ndetse n’abajyanama cyangwa inzobere mu bworozi bw’amafi bagera kuri 56.
Mu muhango wo gutangiza ku mugaragaro umushinga w’uburyo bushya bwo korora amafi buzwi nka Biofloc Technology (BFT), Umuyobozi Mukuru w’Ishuri Rikuru Gatolika rya Kabgayi (ICK), Padiri Prof. Fidèle Dushimimana, yavuze ko uyu mushinga ugamije kongera umusaruro w’amafi mu buryo burambye, guteza imbere ubukungu, guhanga imirimo no guteza imbere kwihaza mu biribwa mu Rwanda.
Yashimangiye ko ikoranabuhanga rya BFT rikoresha imyanda y’amafi mu kongera intungamubiri zifasha mu bworozi bwayo, bityo rigafasha kongera umusaruro no guteza imbere ubworozi bw’amafi burambye.Padiri Prof. Dushimimana yavuze ko ICK yifuza ko umusaruro w’ubushakashatsi utagarukira mu nyandiko, ahubwo wagera ku Banyarwanda, ukaboneka ku masahani yabo.
Yagaragaje kandi ko uyu mushinga ari amahirwe yo kurushaho gushimangira ubufatanye hagati y’amashuri makuru, abashakashatsi, abikorera, abaturage n’abafatanyabikorwa mu iterambere.
Yashimiye Umuryango w’Ubumwe bw’u Burayi, binyuze muri gahunda ya DeSIRA+, ku nkunga watanze, avuga ko irenze ubufasha bw’amafaranga kuko inagaragaza icyizere wagiriye ICK n’ubushobozi bwayo bwo gukora ubushakashatsi bufitiye igihugu akamaro.
Yasoje yizeza abafatanyabikorwa ko ICK izakora ibishoboka byose kugira ngo umushinga ushyirwe mu bikorwa uko wateganyijwe, hubahirizwa igihe, intego n’amabwiriza agenga imikoreshereze y’inkunga yatanzwe, kugira ngo umusaruro wawo ube impinduka zifatika mu mibereho y’Abanyarwanda.
Ati“Binyuze mu ikoranabuhanga rya Biofloc Technology (BFT), rihindura imyanda y’amafi intungamubiri, uyu mushinga ugamije kongera umusaruro w’amafi mu buryo burambye, guteza imbere ubukungu, guhanga imirimo no kugira uruhare mu kwihaza mu biribwa mu Rwanda."
Uyu mushinga ni andi mahirwe yo gushimangira ubufatanye hagati y’amashuri makuru, abashakashatsi, abikorera, abaturage n’abafatanyabikorwa mu iterambere.
Amamariza hano
Menyekanisha ibikorwa byawe ku basomyi ba Kinyamateka
Advertise here
Ibitekerezo (0)
- Nta gitekerezo kirahaba. Ba uwa mbere utanga igitekerezo.
