Yanditse inkuru 355 kuri Kinyamateka. Kuva 28 Mata 2023 kugeza 29 Mata 2026.
Zerekanwe 14 muri 355
Kuri uyu wa gatanu tariki ya 23 Kamena 2023 Caritas ya Diyosezi ya Kabgayi yafunguye ku mugaragaro ikigo CEFOPPAK gitanga amahugurwa mu buhinzi n'ubworozi butabangamira urusobe rw'ibinyabuzima.
Kuva kuwa 20 Kamena 2023, Komisiyo y'Ubutabera n'Amahoro mu Nama y'Abepisikopi Gatolika mu Rwanda yatangije amahugurwa y'iminsi itatu, agamije kongerera ubushobozi abazagira uruhare mu ishyirwa mu bikorwa rya gahunda y'imyaka itatu, yo kurwanya ihohoterwa rikorerwa abagore mu ngo no mu kazi. Iyi gahunda ikazakorerwa mu madiyosezi ya Gikongoro na Cyangugu guhera mu mwaka utaha wa 2024.
Musenyeri Smaragde Mbonyintege wayoboye Diyosezi ya Kabgayi imyaka 17 akaba agiye mu kiruhuko cy’izabukuru nk’uko yabyemerewe na Papa Fransisiko yasezeye ku bakristu n’abihayimana b’iyi diyosezi ashimira ubufatanye bwabaranze.
Mu muhango wo guha ubwepiskopi Myr Balthazar, Diyosezi ya Kabgayi yatangaje umushinga wayo wo kugarura ishuri ry'Ubuforomo I Kabgayi inasaba inkunga Leta y'u Rwanda muri uyu mushinga.
Kuri uyu wa gatanu tariki ya 16 Kamena I Kibeho kwa Nyina wa Jambo hizihirijwe ibirori byo gusoza ku rwego rw'igihugu umwaka wahariwe kwita ku burere bw'abana mu mashuri.
Mu gikorwa cyo gusoza umwaka wahariwe kwita ku burere bw'abana mu mashuri ku rwego rwa Diyosezi ya Kabgayi, cyabereye muri Stade y'Akarere ka Muhanga, kuwa 9 Kamena 2023, Myr Smaragde Mbonyintege yasabye abarezi kudafata uburezi nk'akamenyero bagaharanira kunguka ibishya no gusubiza ibibazo biriho.
Mu birori byo kwizihiza umunsi mukuru wa Mutagatifu Lewu wahuriranye no kwizihiza yubile y'imyaka 110 Iseminaro nto ya Kabgayi imaze ishinzwe, ababyeyi baharerera bagabiye inka myr Smaragde Mbonyintege hamwe na myr Balthazar Ntivuguruzwa, babashimira uko bitangira abaseminari babaha uburere n'uburezi bukwiye.
Kuwa gatanu tariki ya 02 Kamena 2023 I Kabgayi habereye igikorwa cyo kwibuka ku nshuro ya 29 Jenoside yakorewe Abatutsi mu 1994, hanashyingurwa imibiri y'abatutsi bazize Jenoside yabonetse hirya no hino mu nkengero za Kabgayi.
Kuri uyu wa 26 Gicurasi 2023, mu kigo cyitiriwe Umubyeyi w’Abakene H.V.P Gatagara, habereye ibirori byo kwibuka Padiri Joseph Fraipont NDAGIJIMANA umaze imyaka 41 atabarutse no guhimbaza isabukuru y’imyaka 63 iki kigo gifite amateka maremare mu kwita ku bafite ubumuga kimaze gishinzwe.
Kuri uyu wa gatatu tariki ya 24 Gicurasi 2023 Umushinga “Uburezi Budaheza Kabgayi” watangije amahugurwa y’abarimu bashinzwe gukurikirana abana bafite ubumuga bwo kutabona neza mu bigo bitari ibya Kiliziya Gatolika, unabasaba ubufatanye mu kwita kuri aba bana kuko ari bo babana nabo umunsi ku wundi
Kaminuza Gatorika ya Kabgayi (ICK) ikomeje gukataza mu bushakashatsi bugamije kongerera agaciro ibikomoka ku nsina. Mu bushakashatsi iherutse kumurika mu marushanwa yateguwe na HEC kuva tariki 9 kugera 11 Gicurasi 2023, ryegukanye umwanya wa Kabiri aho ryamuritse uko imitumba y’insina isanzwe ihabwa inka cyangwa se igatemerwa hasi ikorwamo impapuro zishobora kwandikwaho cyangwa gukorwamo Enveloppe zitwarwamo ibintu.
Mu rugendo rugamije kumenya Diyosezi ya Kabgayi, Nyiricyubahiro Musenyeri Smaragde Mbonyintege ari kumwe na Musenyeri Balthazar Ntivuguruzwa uherutse gutorerwa kuyobora Diyosezi ya Kabgayi, bakomeje gusura amaparuwasi muri gahunda ya “Mbazaniye umwepisikopi mushya twiherewe na Papa Fransisiko tarika ya 02 Gicurasi 2023.”
Kuri uyu wa gatandatu tariki ya 13 Gicurasi 2023, i Save muri Centre des Jeunes Saint Vincent, ya Caritas ya Diyosezi ya Butare, urubyiruko rwize imyuga irimo ubudozi no gutunganya imisatsi rwishimiye intambwe yo guhabwa impamyabushobozi isoza amasomo y'imyuga.
kuri uyu wa gatanu tariki ya 12 Gicurasi 2023, abakozi ba Komisiyo na Serivisi zitandukanye z'Inama y'Abepisikopi Gatolika mu Rwanda (CEPR), bahimbaje umunsi w'umurimo, usanzwe wizihizwa kuwa 1 Gicurasi buri mwaka.
