Yanditse inkuru 355 kuri Kinyamateka. Kuva 28 Mata 2023 kugeza 29 Mata 2026.
Zerekanwe 14 muri 355
Kuri iki cyumweru tariki ya 5 Ugushyingo 2023, Iratwibutse Marie Salomé na Nshimiyimana Robert, bagize itsinda Salomé &Roberto barakora igitaramo cyo kumurika Album yabo ya mbere bise ICYAHA nyuma y’imyaka 4 bakorana nk’itsinda.
Kuri uyu wa kane tariki ya 02 Ugushyingo 2023 mu kigo cy’ababikira ba Mariya mutagatifu ku Kibuye hatangijwe amahugurwa y’iminsi 2 y’abakateshisti bo muri Diyosezi ya Nyundo zone ya Kibuye agamije kubongerera ubumenye kugira ngo bakomeze gufasha abandi nabo hari icyo bafite.
Kuwa 27 Ukwakira 2023 muri Paruwasi ya Kristu umwami Nyanza habereye ibirori byo kwibuka Umwami Mutara wa III Rudahigwa atura u Rwanda Kristu umwami w’ijuru n’isi.
Twese nk'abanyarwanda twatuwe Imana; Kristu umwami w'abami ni we tweguriwe. Aya ni amwe mu magambo akubiye mu nyigisho padiri Mukuru wa Paruwasi Kristu Umwami Nyanza, Padiri David Rekivuge, yagejeje ku bitabiriye igitambo cya Misa yo kwibuka u Rwanda ruturwa Kristu Umwami, yabereye mu Kiliziya y'iyi Paruwasi kuri uyu wa 27 Ukwakira 2023.
Umwanditsi wa Kinyamateka wari uhari yanditse inkuru y’ibyabaye byose ijambo ku rindi, igikorwa ku kindi. Uyu munsi tugiye kwiyibutsa kuri bimwe mu byaranze ibirori by’iminsi itatu byabereyemo muhango wo gutura igihugu cy’u Rwanda Kristu umwami wabaye mu kwezi k’Ukwakira mu 1946, kuva ku ya 26, 27 kugera ku ya 28 z’uko kwezi, ubera i Nyanza ahari kiliziya ya Kristu umwami ubu.
Abagore n'urubyiruko bo mu nkambi ya Mahama, barashima umushinga wo guteza imbere imibereho y’abagore b’impunzi wa Komisiyo y'Ubutabera n'Amahoro mu Nama y'Abepiskopi Gatolika mu Rwanda (CEJP), wabahumurije ukabaha kugarura amizero y'ubuzima. Barasaba ko wakwagurwa ukagera kuri benshi kandi ukongererwa igihe, kuko ibibazo mu nkambi ari byinshi.
Mu rugendo Nyobokamana bagiriye i Kibeho, kuri uyu wa Gatandatu tariki ya 21 Ukwakira 2023, abagize umuryango wa Kolping Rwanda basabwe kubakira iterambere ku Isengesho, bakibuka guha Imana umwanya w'Ibanze mu bikorwa byabo bya buri munsi bigamije iterambere.
Kuri uyu wa 18 Ukwakira 2023, Abakristu ba paruwsi yitiriwe Kristu Umwami i Nyanza, batangije Noveni itegura umunsi mukuru wo kwibuka u Rwanda ruturwa Kristu umwami w’ijuru n’isi. Uyu munsi ugiye guhimbazwa ku nshuro ya kabiri, nyuma y'aho Inama y'Abepiskopi isabye ko wajya uhimbazwa mu gihugu hose. Kuri iyi nshuro ukazahimbazwa tariki 27 Ukwakira 2023.
Kuri uyu wa 16 Ukwakira 2023, Diyosezi ya Kabgayi yatangije igikorwa cyo gusuzuma no kuvuza abana bafite uburwayi bwo kutabona neza, binyuze mu mushinga w'uburezi budaheza watangiye mu mwaka wa 2017.
Kuri iki cyumweru tariki 15 Ukwakira 2023, abalejiyo baturutse mu madiyosezi yose yo mu Rwanda bakoreye urugendo nyobokamana I Kibeho. Igitambo cya Misa kikaba cyayobowe na Myr Celestin Hakizimana, Umwepiskopi wa gikongoro.
Abagize itsinda "Tuve mu bwigunge", Rihuza abafite uburwayi bwo mu mutwe, barashimira Caritas ya Diyosezi ya Kabgayi yabahurije hamwe ikabarinda akato kandi igasigasira ubuzima bwabo ndetse ikanabatoza kwiteza imbere.
Kuri uyu 07 Ukwakira 2023, umwaka uburaho iminsi 16, abakrisristu ba paruwasi ya Kanombe basaga 300, bakoreye urugendo nyobokamana i Kibeho mu rwego rwo gushimira Imana n’umubyeyi Bikira Mariya ibyiza bamaze kugeraho mu mwaka umwe gusa iyi paruwasi imaze ishinzwe.
Myr Balthazar Ntivuguruzwa, umwepiskopi wa Kabgayi, akaba n'umuyobozi wa Komisiyo y'Abepisikopi Gatolika ishinzwe abapadiri na Seminari, yibukije abaseminari uko byari byifashe i Kabgayi, ubwo u Rwanda rwabonaga bwa mbere abapadiri kavukire, ubu imyaka ikaba ishize ari 106.
Kuri uyu wa 7 Ukwakira 2023, Abaseminari bakuru bose bo mu Rwanda hamwe n'abarezi babo bakoreye urugendo nyobokamana I Kibeho. Ni urugendo rwanitabiriwe na Myr Celestin Hakizimana, Umwepiskopi wa Gikongoro na Myr Balthazar Ntivuguruzwa, Umwepiskopi wa Kabgayi akaba ari na we ushinzwe Seminari Nkuru mu Nama y'Abepiskopi Gatolika mu Rwanda.
