Yanditse inkuru 355 kuri Kinyamateka. Kuva 28 Mata 2023 kugeza 29 Mata 2026.
Zerekanwe 14 muri 355
Ibirori byo kwizihiza Yubire y'imyaka 75 Paruwasi ya Byimana imaze ishinzwe, byabimburiwe n'umuhango wo gufungura ingoro nshya abakristu biyujurije nyuma yo kwagura iyari ishaje kuko yari nto kandi abakristu ari benshi.
Kuri uyu wa 1 Nzeri 2023, abayobozi b'amashuri Gatolika muri Diyosezi ya Kabgayi batangiye umwiherero ngarukamwaka w'iminsi itatu ugamije kurebera hamwe ingamba zo guteza imbere uburezi muri iyi Diyosezi.
Ukwezi kwa Kanama( kwa Munani)ni ukwezi kwahariwe urukundo n’impuhwe bijyana n’ibikorwa byo kugoboka abakene , abababaye n’abari mu kaga. Buri mwaka, Kiliziya Gatolika mu Rwanda igashishikariza abakristu kwitabira ibikorwa bihuzwa na Caritas Rwanda hamamijwe gutanga umusanzu, imfashanyo n’ibindi byo gufasha abababaye.
Paruwasi ya Byimana yashinzwe tariki ya 16 Ukuboza 1945 ibyawe n’icyahoze ari Misiyoni ya Kabgayi itangizwa n’abapadiri bera ari bo Padiri LANDEMETERESI (Landtmeters) na Padiri PATENDI (Pattign ) ari na we wubakishije kiliziya ya mbere ya paruwasi afatanyije n’abakristu batangaga imiganda , hari kandi na Padiri DURAND, nuko iragizwa Umubyeyi Mariya Mutagatifu (Sancta Maria).
Abikorera bo mu Karere ka Muhanga barashimira Diyosezi ya Kabgayi ikomeje gutanga umusanzu mu iterambere ry'ubukungu n'ubukerarugendo by'uyu mujyi. Ni nyuma y’aho kuri uyu wa gatatu tariki 30 Kanama 2023 iyi diyosezi ifunguye ku mugaragaro hoteli ya kabiri muri uyu mujyi yitwa“Hotel Lucerna Kabgayi ” n’uruhererekane rw’amazu y’ubucuruzi azwi ku mazina ya LuminaI, Lumina II,na Lumina III.
Diyosezi ya Kabgayi ikomeje urugendo rwo kugira uruhare mu iterambere ry’umujyi w’akarere ka Muhanga bijyana n’iyogezabutumwa rishingiye ku bikorwa by’iterambere. Nyuma ya Hotel Saint Andre inyubako ya Lumina izwi cyane mu mujyi wa Muhanga n’ibindi bikorwa biri mu mujyi, kuri uyu wa 30 Kanama 2023 myr Balthazar Ntivuguruzwa umushumba wa Diyosezi ya Kabgayi yafunguye ku mugaragaro inyubako ya Hotel Lucerna n’inzu y’ubucuruzi ya Lumina I mu mujyi wa Muhanga.
Paruwasi ya Byimana yaragijwe Bikira Mariya Mutagatifu (Sancta Marie), ni paruwasi yubatswe ku buryo bubereye ijisho ikaba izatahwa ku mugaragaro tariki ya 2 Nzeri 2023. Yubatswe hagamijwe gusubiza ibibazo 3 by’ingenzi abakristu bayo bari bafite birimo: kuba iyari isanzwe yari nto itagihagije kuko abakristu bari bamaze kuba benshi , yari isakaje amabati ya Fibrociment atagezweho akandi atanemewe (aspesthos), ikindi kandi bifuzaga kubaka ingoro iboneye kandi ibakwiriye basingirizamo Nyagasani
Kuri uyu wa gatanu tariki 24 Kanama 2023 Urubyiruko rwitabiriye Forumu ya 20 irimo kubera i Kigali rwahawe impanuro na Soeur Uwamariya Immaculeé wabibukije ko Yezu abakunda bihebuje ko badakwiye kumuvaho ngo bahungire ahandi kuko ari we gisubizo gikwiye cy'ibibazo byabo.
Kuru uyu wa kane tariki ya 24 Kanama 2023 Caritas ya Diyosezi ya Butare yagejeje ku bafatanyabikorwa bafatanya ibyagezweho muri iyi myaka itanu ishize n'ibiteganywa kuzakorwa muri uyu mwaka.
Ibyishimo, umunezero, kwiyumvamo ikizere , gukuza urukundo rwa kivandimwe, gukunda gushengerera no kuramya umusaraba ni bimwe mu byo urubyiruko rwa Diyosezi ya Kabgayi ruvuga ko umusaraba wa forumu wabafashije mu gihe bawutambagizaga muri paruwasi zabo.
Abafite ubumuga bwo kutabona bo mu karere ka Ruhango babashije kubona inkoni yera, babwiye Kinyamateka ko iyi nkoni yatumye bashobora kugenda bidasabye ubarondata. Basaba ko zakomeza kugezwa kuri benshi kuko kugera ubu zikiri nke ugereranyije n'umubare w'abazikeneye.
Kuri uyu wa kabiri tariki 15 Kanama 2023, Umunsi mukuru w'ijyanwa mu ijuru rya Bikira Mariya wabaye impurirane y'ibyishimo mu mu rugo rw'umuryango w'ababikira ba Mutagatifu Mariya aho ababikira bane bakoze amasezerano ya burundu naho umwe agakora amasezerano ya mbere muri uyu muryango.
Nk’uko bigaragara mu itangazo ryo kuwa 17 Nyakanga 2023, paruwasi ya Nyanza yatangaje umushinga wo kuvugurura Ingoro ya Kristu Umwami yibutsa uko Umwami Mutara wa III Rudahigwa Charles Léon Pierre yatuye u Rwanda Kristu Umwami.
Kuri uyu wa 12 Kamena 2023 muri Paruwasi ya Kigoma ku gasozi k'amizero hahimbajwe ibirori by'itangwa ry'ubupadiri n'ubudiyakoni nyuma y'imyaka igera kuri 14 ibirori nk'ibi bidaheruka muri iyi paruwasi.
