Yanditse inkuru 410 kuri Kinyamateka. Kuva 22 Gicurasi 2022 kugeza 10 Nzeri 2026.
Zerekanwe 14 muri 410
Ku munsi wa gatatu w'uruzinduko akomeje kugirira mu gihugu cya Canada, kuri uyu wa 26 Nyakanga 2022, Papa Fransisiko yasomye Misa y'umunsi mukuru wa Ana na Yowakimu, muri Sitade ya Edmonton, hamwe n'imbaga y'abakristu basaga ibihumbi 50.
Kuva kuri uyu wa 26 kugera kuwa 31 Nyakanga 2022, Abepiskopi bo muri Afurika na Madagasikari, bari mu gihugu cya Gana aho bitabiriye Inama y'Inteko rusange y'ihuriro SCEAM, iteranye ku nshuro yayo ya cumi n'icyenda.
Ku munsi wa kabiri w’uruzinduko arimo kugirira mu gihugu cya Canada, Nyirubutungane Papa Fransisiko yasabye imbabazi ku ihohoterwa abamisiyoneri bafatanyije n'abakoloni bagiriye ba kavukire b'iki gihugu.
Mu rugendo ajya muri Kanada, Papa Fransisiko yagarutse ku munsi mukuru w'ababyeyi bakuru Kiliziya yahimbaje kuri iki cyumweru tariki 24 Nyakanga 2022, asaba abakristu kutibagirwa na rimwe ababyeyi babo bakuru.
Guhera kuri iki cyumweru tariki 24 Nyakanga 2022 kugera tariki 30 Nyakanga 2022, Papa Fransisiko aragirira uruzinduko mu gihugu cya Kanada.
Mu gitondo cy'uyu wa Gatandatu tariki 23 Nyakanga 2022, ni bwo Myr Venanti Bacinoni, umwepiskopi wacyuye igihe wa diyosezi ya Bururi mu Burundi, wari umaze igihe arwaye yitabye Imana ku myaka 82.
Nyuma yo gusoza icyiciro cya Sinodi ku rwego rw'amadiyosezi, guhera kuri uyu wa Gatatu tariki 20 Nyakanga 2022, i Kabgayi mu Iseminari Nkuru ya Filozofiya harimo kubera imirimo y'iminsi itatu, igamije guhuza ibyavuye muri Sinodi ku rwego rw'amadiyosezi.
Inama y'Abepiskopi mu gihugu cya Togo, tariki 19 Nyakanga 2022, yatangaje ingamba zihamagarira abakristu gutabara abibasiwe n'ibitero by'iterabwoba bikomeje kwibasira iki gihugu.
Inteko rusange ya 20 y'Ihuriro ry'Abepiskopi bagize Inama z'Abepiskopi mu bihugu by'Afurika y'Iburasirazuba (AMECEA), yateraniye i Daresalamu muri Tanzaniya, yasoje kuri iki cyumweru tariki 17 Nyakanga 2022, yemeje abayobozi bagize inzego zayo guhera ku muyobozi mukuru.
Kuva kuri uyu wa 7 kugera kuwa 9 Nyakanga 2022, Abepiskopi bo mu Rwanda bari i Kinshasa muri Repubulika Iharanira Demukarasi ya Kongo aho bagiye kwitabira Inama y'inteko rusange y'Ihuriro ry'Inama z'Abepiskopi mu bihugu by'u Rwanda, u Burundi na R.D.Kongo.
Nk'uko bimaze kumenyerwa, buri cyumweru cya mbere cya buri kwezi, abakristu baturutse imihanda yose bahurira mu Ruhango mu kibaya cy'amahoro, mu isengesho ryo kwiyambaza Yezu Nyirimpuhwe.
Tariki 29 Kamena 2022, Diyosezi ya Nyundo yasoje ikiciro cya mbere cya Sinodi y'Abepiskopi, cyakorewe ku rwego rw'amadiyosezi. Mu nama isoza iki cyiciro, Komisiyo ya Sinodi muri iyi diyosezi, yamuritse urugendo rwakozwe mu gushyira mu bikorwa iyi Sinodi, n'umusaruro wavuye mu biganiro by'abakristu mu nzego zose zigize iyi Diyosezi.
Nyuma yo kwirukana intumwa ya Papa muri iki gihugu n'ibindi bikorwa bitandukanye byo gutera ubwoba abepiskopi n'abapadiri, Leta ya Nikaragwa yirukanye ku butaka bw'iki gihugu ababikira b'Abogezabutumwa b'urukundo bazwi nk'Abakarikuta bashinzwe na Mama Tereza w'i Karikuta.
Muri uku kwezi kwa karindwi Papa arasaba abakristu kuzirikana ku buryo bwihariye abageze mu zabukuru no kubasabira.
