Yanditse inkuru 377 kuri Kinyamateka. Kuva 08 Ukuboza 2023 kugeza 28 Nzeri 2026.
Zerekanwe 14 muri 377
Paruwasi Regina Mundi Rushaki, imwe muri paruwasi 25 zigize Diyosezi Gatolika ya Byumba, yatangiye ku mugaragaro urugendo rwo kwizihiza Yubile y’imyaka 75 imaze ishinzwe, Yubile izasozwa mu 2027.
Umuyobozi w’Akarere ka Gicumbi, Emmanuel Nzabonimpa, yakiriye urubyiruko Gatolika rugera ku 3,024 ruteraniye muri Paruwasi Katederali ya Byumba, mu ihuriro ry’urubyiruko ku rwego rw’igihugu riri kubera muri aka Karere, arusaba kugira uruhare mu kurwanya ibibazo bibangamira imibereho y’urubyiruko, by’umwihariko ikoreshwa ry’inzoga z’inkorano n’izindi zitujuje ubuziranenge.
Umunyamabanga Mukuru w’Inama y’Abepiskopi Gatolika mu Rwanda, Padiri Kayisabe Vedaste, yasabye urubyiruko rwitabiriye Forumu y’Urubyiruko ku rwego rw’igihugu kuba imbaraga z’ubuvandimwe, ubumwe n’ubwiyunge hagati y’abantu, by’umwihariko mu bihugu by’ibituranyi bisangiye amateka by’u Rwanda, Repubulika Iharanira Demokarasi ya Congo (RDC) n’u Burundi.
Umudipolomate w’Umunya-Uganda, Olara Otunnu, umwe mu bakandida bahatanira kuba Umunyamabanga Mukuru w’Umuryango w’Abibumbye (ONU), yasabye ko uwo muryango ukomeza ivugurura ry’imikorere yawo, ariko cyane cyane ukongera kubaka icyizere n’ubuyobozi bushingiye ku ndangagaciro, ubunyangamugayo n’ubumwe bw’abantu.
Perezida mushya wa SIGNIS Africa, Padiri Fidèle Mutabazi, yavuze ko igihe kigeze ngo Kiliziya n'abandi bafatanyabikorwa bongere imbaraga mu gushyigikira itangazamakuru Gatolika, agaragaza ko rifite uruhare rukomeye mu kwamamaza Ivanjili no kurinda sosiyete ingaruka z'ikwirakwizwa ry'amakuru y'ibinyoma n'ibihabanye n'indangagaciro.
Perezida w'Ihuriro Mpuzamahanga ry'Abakora Itumanaho Gatolika ku Isi (SIGNIS World), Helen Osman, yasabye abakora itumanaho muri Kiliziya Gatolika kurushaho gukomeza ubufatanye kugira ngo bashobore guhangana n'amahirwe ndetse n'imbogamizi zizanwa n'ikoranabuhanga ry'Ubwenge Buhangano (AI), rikomeje guhindura byihuse uburyo itumanaho rikorwamo ku Isi.
Mu Mujyi wa Kigali hakomeje kubera Inama Mpuzamahanga ya SIGNIS World Congress 2026, ihurije hamwe abanyamakuru, abashinzwe itumanaho n'itangazabutumva muri Kiliziya Gatolika baturutse mu bihugu birenga 40 byo ku migabane yose y'Isi.
Nyiricyubahiro Antoine Karidinali Kambanda, Arkiyepiskopi wa Kigali akaba na Perezida w'Inama y'Abepiskopi Gatolika mu Rwanda, yavuze ko amateka y'u Rwanda ari isomo rikomeye ku banyamakuru bo ku Isi yose, kuko agaragaza uko itangazamakuru rishobora gukoreshwa mu gukwirakwiza urwango no gusenya ubuzima bw'abantu, cyangwa rikaba umuyoboro wo kubaka amahoro, ubumwe n'ubwiyunge.
Ku wa Kabiri, tariki ya 28 Nyakanga 2026, Padiri Gratien Kwihangana, Umusaseridoti wa Diyosezi Gatolika ya Ruhengeri, yashyize ku mugaragaro igitabo yise "Ibanga rya Rozari: Turangamire Yezu Kristu twisunze Bikira Mariya", agamije gufasha abakristu kurushaho gusobanukirwa inkomoko ya Rozari, agaciro kayo n'uburyo nyabwo bwo kuyivuga kugira ngo ibe isengesho rituma umuntu asabana by'ukuri n'Imana.
Abanyamakuru n'abashinzwe itangazabutumwa muri Kiliziya Gatolika bo mu Muryango uhuza Inama z'Abepiskopi bo muri Afurika y'Iburasirazuba (AMECEA) basabwe kuzabyaza umusaruro Inama Mpuzamahanga ya SIGNIS izabera i Kigali, bakayifashisha kwimakaza imyanzuro yavuye mu Nteko Rusange ya 21 ya AMECEA
Ubuyobozi bw'Ishuri Ryisumbuye Mutagatifu Yohani ry'i Murunda, riherereye mu Karere ka Rutsiro, buramenyesha ababyeyi n'abanyeshuri ko amasoko yo kugura ibikoresho byo mu biro, ibikoresho by'isuku, ibikoresho byo gusana no kubungabunga inyubako, ndetse n'inkwi akenewe mu gihembwe cya mbere cy'umwaka w'amashuri wa 2026–2027 yafunguwe. Abifuza gupiganira ayo masoko basabwe kugezayo amabaruwa yabo mu biro by'ishuri bitarenze ku wa 22 Kanama 2026 saa yine za mu gitondo (10h00), banashyizeho inyemezabwishyu y'amafaranga y'ipiganwa angana na Frw 5.000 nk'uko biteganywa mu itangazo.
Minisiteri y'Ubutegetsi bw'Igihugu iramenyesha ko Uwimbabazi Privat, mwene Baribane Damien na Yankurije, utuye mu Mudugudu wa Bwiza, Akagari ka Kanserege, Umurenge wa Kagarama, Akarere ka Kicukiro, yasabye uburenganzira bwo guhinduza amazina asanganywe ari UWIMBABAZI Privat, akitwa MBABAZI Prince mu gitabo cy'inyandiko z'amavuko. Impamvu atanga ni uko ashaka guhinduza izina n'izina ry'irigenurano rikaba riteye ipfunwe.
Kuri uyu wa 27 Nyakanga 2026, abahereza ba Diyosezi Gatolika ya Kabgayi basaga 1000, bari kumwe n'Umwepiskopi wabo, Nyiricyubahiro Musenyeri Balthazar Ntivugiruzwa, bakoze urugendo nyobokamana ku Ngoro ya Bikira Mariya Nyina wa Jambo i Kibeho, aho basengeye hamwe, bigishwa amateka y'Amabonekerwa ya Kibeho ndetse bahabwa inyigisho zibashishikariza kurushaho gukomera ku muhamagaro wo gukorera Kristu kuri Aritari.
Paruwasi Gatolika ya Mushaka, muri Diyosezi ya Cyangugu, yizihije umunsi w'amateka kuri iki Cyumweru, tariki ya 26 Nyakanga 2026, nyuma yo kwakira umusaserdoti mushya, Padiri Arsène Irakoze, waherewe Isakaramentu ry'Ubusaserdoti mu Gitambo cya Misa cyayobowe na Musenyeri Edouard Sinayobye, Umwepiskopi wa Diyosezi ya Cyangugu.
