Yanditse inkuru 377 kuri Kinyamateka. Kuva 08 Ukuboza 2023 kugeza 28 Nzeri 2026.
Zerekanwe 14 muri 377
Umushumba wa Kiliziya Gatolika ku Isi, Papa Lewo wa XIV, yashyizeho Umwepiskopi mushya wa Diyosezi Gatolika ya Kitui muri Kenya, ari we Padiri John Mbua Mwandi.
Mu kwizihiza umunsi mukuru wa Fr. Ramon Kabuga T.S.S. kuri uyu wa 27 Gicurasi 2026, Nyiricyubahiro Myr Balthazar Ntivuguruzwa, Umwepiskopi wa Diyosezi Gatolika ya Kabgayi, yasabye abanyeshuri guharanira indangagaciro nziza, kwirinda ibishuko by’isi no gushyira Imana ku isonga ry’ubuzima bwabo.
Mu ibaruwa ye ya mbere yiswe Magnifica Humanitas, Papa Lewo wa XIV yagarutse cyane ku ngaruka impinduramatwara y’ikoranabuhanga n’ubwenge buhangano (AI) bifite ku burezi no ku mibereho y’umuryango.
Papa Lewo wa XIV yasohoye ibaruwa ye ya mbere yageneye isi yose yitwa Magnifica humanitas ivuga ku kurengera ikiremwamuntu mu gihe isi iri gukoresha cyane ubwenge buhangano (Artificial Intelligence/AI), agaragaza ko iri koranabuhanga rikwiye gukorera inyokomuntu aho kuba uburyo bwo gushyira ububasha mu maboko y’abantu bake.
Ibi byabaye kuri iki Cyumweru tariki ya 24 Gicurasi 2026, umunsi Kiliziya Gatolika yizihizagaho umunsi mukuru wa Pentekosti, Ecole Sainte Bernadette de Kamonyi yizihijeho kandi umunsi mukuru w’ishuri wahurije hamwe abayobozi ba Kiliziya, inzego z’ubuyobozi bwite bwa Leta, ababyeyi n’inshuti z’iri shuri, ubwo hanatahwaga ku mugaragaro inyubako nshya y’amashuri yuzuye itwaye asaga miliyoni 228 z’amafaranga y’u Rwanda.
Kiliziya Gatolika mu Rwanda yatangaje ko Icyumweru cy’Uburezi Gatolika cyo mu mwaka wa 2027 kizasozerwa muri Diyosezi Gatolika ya Ruhengeri, nyuma y’uko icy’uyu mwaka wa 2026 gisorejwe muri Diyosezi ya Cyangugu.
Kuri uyu wa 22 Gicurasi 2026, muri Diyosezi Gatolika ya Cyangugu, ku ishuri rya TTC Mururu, hasorejwe Icyumweru cy’Uburezi Gatolika ku rwego rw’igihugu cyari gifite insanganyamatsiko igira iti “Ndera neza, Nkure neza, Nkore neza.”
Hari abakristu n’abandi bakunda umuziki wa Kiliziya bakomeza kwibaza impamvu indirimbo zimwe za Matayo Ngirumpatse zikomeza kuririmbwa mu Misa no mu makorali atandukanye ya Kiliziya Gatolika, kandi yarahamijwe ibyaha bya Jenoside yakorewe Abatutsi mu 1994, agakatirwa igifungo cya burundu n’Urukiko Mpuzamahanga Mpanabyaha rwashyiriweho u Rwanda (ICTR) muri 2011.
Kuri uyu wa Kane tariki 21 Gicurasi 2026, Papa Leo wa XIV yakiriye inzandiko zemerera guhagararira ibihugu byabo I Vatican, zatanzwe n’abambasaderi bashya bahagarariye ibihugu umunani birimo Sierra Leone, Bangladesh, Yemen, u Rwanda, Namibia, Mauritius, Chad na Sri Lanka.
Abepisikopi Gatolika bagize Inama y’Abepisikopi ya Afurika Yepfo (SACBC) batangaje ko bahangayikishijwe n’urugomo n’ihohoterwa bikomeje gukorerwa abimukira n’impunzi mu bice bitandukanye bya Afurika y’Epfo, basaba abayobozi ba politiki kudakoresha ikibazo cy’abimukira nk’intwaro ya politiki mbere y’amatora y’inzego z’ibanze ateganyijwe muri iki gihugu.
Abanyeshuri n’abarezi bo muri Saint Joseph TSS Nzuki, ishuri ryigenga rya Diyosezi Gatolika ya Kabgayi riherereye mu Murenge wa Kabagari mu Karere ka Ruhango, bavuga ko bishimiye intambwe yatewe n’Inteko y’Umuco yo gushyira amarushanwa y’umukino gakondo w’Igisoro mu mashuri yisumbuye n’ay’ubumenyingiro, bakavuga ko ari uburyo bwiza bwo gusigasira umuco nyarwanda no gufasha urubyiruko gukura rufite ubumenyi, ubwenge n’ubusabane.
Abepiskopi Gatolika bo muri Uganda basabye diyosezi na paruwasi zo hirya no hino mu gihugu kwizihiriza Umunsi Mukuru w’Abahowe Imana b’ i Bugande ku rwego rwa za paruwasi, nyuma y’uko Guverinoma ya Uganda isubitse ibirori byari byateganyijwe ku rwego rw’igihugu kubera impungenge z’icyorezo cya Ebola gikomeje kwibasira Repubulika Iharanira Demokarasi ya Congo (RDC).
Mu rwego rwo gukaza ingamba zo kwirinda ikwirakwira ry’icyorezo cya Ebola cyongeye kugaragara mu mujyi wa Goma, Diyosezi Gatolika ya Goma yasabye abakristu n’inzego zose zayo kubahiriza byimazeyo amabwiriza y’isuku n’ubwirinzi muri za Kiliziya, mu ngo z’abakristu no mu miryango y’abihayimana.
Mu Nteko Rusange ya 178 y’Inama y’Abepiskopi Gatolika mu Rwanda yateraniye kuri Centre Pastoral y’Abepiskopi ku Ruyenzi kuva tariki ya 12 kugeza ku ya 15 Gicurasi 2026, Abepiskopi bongeye kugaruka ku kibazo cy’itsinda ryiyita “Abatowe”, basaba abarigize guhagarika ibikorwa byabo bitajyanye n’inyigisho n’imikorere bya Kiliziya Gatolika, ahubwo bakagaruka mu murongo wayo.
