Yanditse inkuru 410 kuri Kinyamateka. Kuva 22 Gicurasi 2022 kugeza 10 Nzeri 2026.
Zerekanwe 14 muri 410
Mu butumwa yagejeje ku baseminari barererwa muri Seminari Nkuru ya Kabgayi, kuri uyu wa 29 Mutarama 2023, mu birori bya Mutagatifu Tomasi w'Akwini, yabasabye kwiga kubana n'abandi kuko bikenewe cyane muri iki gihe abantu batwawe no kwihugiraho.
Mu kiganiro yagiranye n'ibiro ntaramakuru by'Abanyamerika "Associeted press", Papa Fransisiko yanenze ibihugu bishingira ku mico n'imyemerere bikakaye bigashyiraho amategeko ahana abatinganyi kugera n'aho bakatirwa urwo gupfa.
Mu butumwa bugenewe Umunsi Mpuzamahanga wahariwe Itumanaho muri Kiliziya uzahimbazwa ku nshuro ya 57 uyu mwaka, Papa Fransisiko yashyize ahagaragara kuri uyu wa 24 Mutarama 2023, yasabye Abanyamakuru Gatolika Kuvugisha ukuri bayobowe n'umutima wuje urukundo ruzira uburyarya kuko ari byo bizatuma amakuru yabo ahuza abantu aho kuba intandaro y'amakimbirane.
Mu nama yahuje MINUBUMWE n'abahagarariye amadini n'amatorero, kuri uyu wa 17 Mutarama 2023, Myr Visenti Harolimana, Umuyobozi wungirije w'Inama y'Abepiskopi Gatolika mu Rwanda, yagaragaje uko Kiliziya yitangiye urugendo rw'isanamitima no kwimakaza ubumwe n'ubudaheranwa kandi ikaba ikomeje ibinyujije muri Komisiyo y'Abepiskopi y'Ubutabera n'Amahoro.
Mu gitondo cyo kuri iki cyumweru tariki 15 Mutarama 2023, Padiri Isaac Achi yitabye Imana atwikiwe mu nzu n'abagizi ba nabi, bateye urugo rw'abapadiri ba paruwasi yitiriwe Petero na Pawulo ahitwa Koffin-korro muri Leta ya Nijeri muri Nijeriya.
Kuri uyu wa 12 Mutarama 2023, Karidinali Richard Kuuia Bawobbr wo muri Gana yashyinguwe, nyuma y'ukwezi n'igice yitabye Imana.
Papa Benedigito wa xvi yitabye Imana azize indwara, mu gitondo cyo kuri uyu wa gatandatu tariki 31 Ukuboza 2022 ku myaka 95.
Kuri uyu wa 7 Ukuboza 2022, kuri Paruwasi ya Kicukiro muri Arikidiyosezi ya Kigali habereye ibirori bya Yubile y'imyaka 50, Umuryango w'Abari b'Urukundo (Les Filles de la Charite), umaze ukorera mu Karere k'Afurika yo hagati.
Kuri uyu wa Kane tariki ya 1 Ukuboza 2022, Abepiskopi batoreye Nyiricyubahiro Antoni Karidinali Kambanda kuba Perezida w'Inama y'Abepiskopi Gatolika mu Rwanda.
Karidinali Richard Kuuia Baawobr wayoboraga Ihuriro ry'Abepiskopi muri Afurika na Madagasikari yitabye Imana ku mugoroba w'iki cyumweru tariki 27 Ugushyingo 2022 aguye i Roma aho yari arwariye.
Tariki 25 Ugushyingo 2022, mu muhango wabereye muri paruwasi Nyamata muri Arikidiyosezi ya Kigali umuryango w' Abasaleziyani b'Imitima mitagatifu wungutse ababikira umunani unashimira Imana hamwe na Mama Marie Claire umaze imyaka 25 asezeranye muri uyu muryango.
Hervé RIOLS, Umukorerabushake wa Secours Catholique ari yo Caritas France, arishimira umusaruro w'ubutumwa amazemo icyumweru muri Komisiyo y'Abepiskopi y'Ubutabera n'Amahoro mu rwego rwo gufasha iyi komisiyo kubaka inzego zayo ngo irusheho gutanga umusaruro.
Mu gitambo cya Misa gisoza Kongere y'Ihuriro Inshuti za Yezu, ku cyumweru tariki ya 20 Ugushyingo 2022, Musenyeri Visenti Harolimana, Umwepiskopi wa Ruhengeri, Yasabye Abagize iri huriro n'imiryango y'Agisiyo Gatolika muri rusange gukuraho imipaka, bagafungura amarembo bakajya bakira ibyiciro byose.
Kuwa 19 Ugushyingo 2022, muri Kaminuza y'u Rwanda Ishami rya Rukara habereye umuhango wo guha ubukateshisiti abanyeshuri bagera kuri 31 bamaze igihe babyitegura.
