Diyosezi ya Ruhengeri yasoje Forumu y'Urubyiruko yaberaga I Nyakinama
Kuri iki cyumweru tariki 20 Kanama 2023, Diyosezi ya Ruhengeri yasoje Forumu y'urubyiruko yaberaga muri paruwasi ya Nyakinama kuva kuwa kane w'iki cyumweru.
Ni Forumu yitabiriwe n'urubyiruko rusaga ibihumbi 2000 rwaturutse mu maparuwasi yose agize Diyosezi ya Ruhengeri ndetse n'abashyitsi baturutse muri Diyosezi ya Kabgayi, Nyundo ndetse na Goma muri Repubulika iharanira Demokarasi ya Kongo.
Mu gihe cy'iminsi itatu bamaze muri iyi paruwasi uru rubyiruko rwakoze ibikorwa bitandukanye byo gusenga, gutega amatwi inyigisho zitandukanye, gufasha abakene no kubaka iterambere ndetse ruboneraho no kwidagadura.
Igitambo cya Misa gisoza iyi Forumu cyayobowe na Myr Visenti Harolimana, Umwepiskopi wa Ruhengeri. Mu butumwa yagejeje ku rubyiruko yabibukije ko Imana ibakunda abasaba kurangwa n'ukwemera.
Ibitekerezo (0)
- Nta gitekerezo kirahaba. Ba uwa mbere utanga igitekerezo.
