Padiri Balthazar NTIVUGURUZWA Umuyobozi wa ICK yitabiriye Ihuriro mpuzamahanga rya za Kaminuza Gatolika ku isi (IFCU)

Iri ihuriro riteganyijwe kuva tariki 30 Nyakanga-3 Kanama 2022 rizitabirwa n’abayobozi ba za Kaminuza n’amashuri makuru gatolika yo hiryo no hino ku isi. Rizitabirwa kandi n’abanyacyubahiro bakomeye bo mu nzego za Kiliziya Gatolika bafite uburezi mu nshingano zabo, abo ni Myr Vincenzo ZANI, Umunyamabanga mu biro bya Papa bishinzwe, Uburezi gatolika ku isi; Myr Paul TIGHE, Umunyamabanga mu biro bya Papa bishinzwe umuco na Dr. Antonio Manuel de OLIVEIRA GUTERES Umunyamabanga w’Umuryango w’Abibumbye UN.

Igitekerezo cyo gushyiraho ihuriro rya za Kaminuza gatolika cyakomotse ku mikoranire hagati

ya Kaminuza gatolika ya Sacro Cuore(the  Università Cattolica del Sacro Cuore  ) y’i Milan, mu

Butaliyani na Kaminuza gatolika ya Nijmegen yo mu buholandi (Catholic University of

Nijmegen)mu 1924 ; mu 1948 Kiliziya itangaza iteka rya Papa rigena imikorere

n’imikorananire ya za Kaminuza gatolika, naho Ihuriro IFCU ritangizwa ku mugaragaro mu

1965, rifite icyicaro i Paris mu Bufaransa. Uyu munsi ribarizwamo za Kaminuza Gatolika 226;

Kaminuza Gatolika ya Kabgayi - ICK ikaba yarinjiye muri iri huriro mu 2009.

Mu rwego rwo kunoza iikoranire, iri huriro r rifite amahuriro 6 ya za Kaminuza Gatolika

hashingiwe ku ho ziherereye. Ayo mahuriro ni: Ihuriro rya za Kaminuza Gatolika zo ku mugabane w’u Burayi(Federation of European Catholic Universities (FUCE); Ihuriro rya za Kaminuza Gatolika zo muri afurika na Madagascar (Association of Catholic Universities and Institutes of Africa and Madagascar (ACUIAM); Ihuriro rya za Kaminuza Gatolika zo mu majyepfo ashyira uburasirazuba bwa Aziya (Association of Southeast and East Asian Catholic Colleges and Universities (ASEACCU); Ihuriro rya za Kaminuza Gatolika zo muri Amerika y’Epfo (The Organisation of Catholic Universities in Latin America (ODUCAL); Ihuriro rya za Kaminuza Gatolika byo muri Amerika ya ruguru(Association of Catholic Colleges and Universities (ACCU) in North America) n’Ikigo cya “The Xavier Board of Higher Education” cyo mu buhinde.

Insanganyamatsiko y’iri huriro rizabera i Boston iragira iti“Legacy and Transformation in a

World Change: Catholic Higher Education and the Future.”