Yanditse inkuru 508 kuri Kinyamateka. Kuva 21 Gicurasi 2022 kugeza 29 Nzeri 2026.
Zerekanwe 14 muri 508
Kuri uyu wa 08 Nzeri 2025, Nyiricyubahiro Antoine Karidinali Kambanda, Arikiyepiskopi wa Kigali, akaba na Perezida w'inama y'Abepiskopi Gatolika mu Rwanda, arizihiza isabukuru y’imyaka 35 amaze ahawe ubupadiri.
Kuri uyu wa 7 Nzeri 2025, Kiliziya Gatolika ku isi yishimiye ibirori bikomeye byabereye i Roma, ubwo Papa Leo XIV yayoboraga umuhango wo gushyira mu rwego rw'Abatagatifu umusore w'Umutaliyani Carlo Acutis wavutse mu 1991 uzwi nka God's Influencer kubera uko yakoresheje ikoranabuhanga mu kwamamaza Ukaristiya.
Umuryango w’abanyeshuri gatolika mu Rwanda JEC (Jeunesse Etudiantine Catholique) ni umwe mu miryango y’agisiyo gatolika ubarizwa mu mashuri yisumbuye na Kaminuza. Mu nteko rusange y’umuryango w’aba JEC yateraniye I Kigali mu ishuri rya St André i Nyamirambo, kuva tariki ya 29-31 Kanama 2025 urubyiruko rugize uyu umuryango rwasabwe kumenya gutega amatwi Roho mutagatifu no kwemera kuyoborwa nawe kuko ariwe uyobora inzira y’ubuzima bwabo. Ni ubutumwa bwatanzwe n’umuyobozi w’umuryango wa JEC ku rwego rw’igihugu ubwo hasozwaga inteko rusange y’umuryango, yari ifite insanganyamatsiko igira iti “Roho ni abayobore.” (Abanyagarati 5,16.)
Vatican yatangaje ko tariki ya 7 Nzeri 2025, Kiliziya Gatolika izashyira mu rwego rw’abatagatifu umusore wapfuye akiri muto Carlo Acutis, witabye Imana afite imyaka 15. Uyu musore yamenyekanye cyane ku izina rya God’s Influencer, kubera uburyo yakoresheje ikoranabuhanga mu kugaragaza ukwemera.
Myr Papias Musengamana Umwepiskopi wa Diyosezi ya Byumba yahaye abana b’abaririmbyi Pueri Cantores ubutumwa bwo kuba abagabuzi b’amahoro. Ni ubutumwa yatanze ubwo hasozwaga ihuriro ry’igihugu ry’umuryango w’abana b’abaririmbyi, Pueri Cantores ku wa 27 Kanama 2025, kuri Paruwasi ya Mutagatifu Karoli Lwanga I Nyamirambo muri Arikidiyosezi ya Kigali.
Mu rwego rwo gukomeza guhanga udushya no korohereza ababyeyi kubona ibikoresho by’ishuri, Librairie Caritas yashyize ahagaragara uburyo bushya bwo guhaha hifashishijwe ikoranabuhanga rya “babyeyi.web.app.”
Kuri uyu wa mbere, tariki ya 25 Kanama 2025, I Kigali muri Paruwasi yisunze Mutagatifu Karoli Lwanga i Nyamirambo, hatangijwe ku mugaragaro ihuriro ry’igihugu ry’umuryango w’abana b’abaririmbyi Pueri Cantores. Iri huriro rizamara iminsi itatu, ribaye ku nshuro ya 9, rigiye kubera i Nyamirambo mu ishuri rya St Andre, ryitabiriwe n’abana bagera ku 1300 baturutse mu ma Diyosezi yose uretse Diyosezi ya Gikongoro uyu muryango utarageramo.
Padiri Alexis Ndagijimana, Umunyamabanga wa Komisiyo y’Abepiskopi ishinzwe ikenurabushyo ry’Urubyiruko (CEPJ), yibukije urubyiruko ko bagomba kwirinda virus zibabuza gutera imbere zirimo ubunebwe, ishyari no kwikuza. Ibi yabigarutseho mu nyigisho yahaye urubyiruko rwa Diyosezi ya Kabgayi ruri muri Forum ku rwego rwa Diyosezi iri kuba ku nshuro ya 8 muri paruwasi ya Ruyenzi.
Kuri uyu wa 19 Kanama 2025, Minisiteri y'Uburezi yatangaje Amanota y'Ibizami bya Leta bisoza amashuri abanza n'Icyiciro cya mbere cy'amashuri yisumbuye, aho umunyeshuri wa Petit Seminaire Saint Aloys ya Diyosezi ya Cyangugu yaje muri batanu ba mbere, akavuga ko abikesha kuba Seminari yaramutoje guhuza amasomo no gusenga.
Kuri uyu wa Gatanu, tariki ya 15 Kanama 2025, Paruwasi yitiriwe Mutagatifu Yohani Bosco ya Kicukiro yakiriye urubyiruko ruri hagati ya 1,500 na 2,000 rwo muri Arikidiyosezi ya Kigali, mu ihuriro rizamara iminsi itatu rifite insanganyamatsiko igira iti "Abiringira Uhoraho ntibadohoka mu rugendo."
Mu rwego rwo kwitegura Isabukuru yimyaka 100 Katederali ya Lubaga imaze yubatswe, Nyiricyubahiro Arikiyepiskopi wa Kampala, Mgr Paul Ssemogerere, yatangaje umushinga wo gushyira muri iyi Katederali Inanga kabuhariwe (Pipe Organ) izarushaho kongerera ubwiza iyi Katederali.
Karidinali Pietro Parolin, Umunyamanga Mukuru wa Vatikani yageze mu gihugu cy'u Burundi kuri uyu wa 12 Kanama 2025, yakirwa n’imbaga nyamwinshi yari imutegereje irimo Abakristu n'Abayobozi mu nzego za Kiliziya na Leta.
Abanyeshuri bagiye guhagararira u Rwanda mu mikino ihuza Amashuri yo mu Karere ka Afurika y’Iburasirazuba [FEASSA], basabwe kwitwara neza bakazahesha ishema igihugu barangwa n'ikinyabupfura n'indangagaciro z'umuco nyarwanda.
Ku Cyumweru, tariki ya 03 Kanama 2025, i Kibeho ku butaka Butagatifu habereye Misa yo gusoza Inteko rusange ya 20 y’Ihuriro ry’Inama z’Abepiskopi muri Afurika na Madagscar [SECAM], yahuriranye no gusoza Yubile y'impurirane ku rwego rw'urubyiruko mu Rwanda.
