Marie Jeanne Umutoni

Inkuru ze

Zerekanwe 14 muri 586

Kiliziya / Mu Rwanda

Karidinali Kambanda arasaba abakristu kuzitabira ari benshi isozwa rya Yubile y'impurirane.

Mu gihe habura iminsi 5 gusa Kiliziya gatolika mu Rwanda ikizihiza ibirori byo gusoza Yubile y’imyaka 2025 y’ugucungurwa kwa muntu n’imyaka 125 ivanjiri igeze mu Rwanda, Nyiricyubahiro Antoine Karidinali Kambanda Arikiyepiskopi wa Kigali akaba na Perezida w’inama y’abepesikopi gatolika mu Rwanda arasaba abakristu Gatolika gukomeza kwitegura neza ibi birori bidasanzwe no kuzabyitabira ari benshi. Yubile y'impurirane imaze umwaka urenga ihimbarizwa mu byiciro bitandukanye muri Diyosezi zose, izasorezwa I Kigali muri stade amahoro kuri uyu wa gatandatu tariki 6 Ukuboza 2025.

Marie Jeanne Umutoni · 01 Ukuboza 2025

Sangiza

Kiliziya

Kiliziya Gatolika mu Rwanda yizihije isabukuru y'imyaka 44 y'amabonekerwa ya Kibeho

Kuri uyu wa Gatanu, tariki ya 28 Ugushyingo 2025, Abakristu baturutse mu Rwanda no mu mahanga bateraniye i Kibeho, mu rwego rwo guhimbaza umunsi mukuru wa Bikira Mariya Nyina wa Jambo n'isabukuru y'imyaka 44 ishize Bikira Mariya abonekeye mu Rwanda i Kibeho.

Marie Jeanne Umutoni · 28 Ugushyingo 2025

Sangiza

Anyuranye / Ku Isi

Papa Leo XIV arasabira abaguye mu nkongi y’umuriro wa Hong Kong, ahumuriza ababuze ababo

Kuri uyu wa 27 Ugushyingo 2025, Papa Leo XIV yifatanyije n’abaturage ba Hong Kong mu kababaro nyuma y’inkongi y’umuriro ikomeye yibasiye inyubako ndende zo guturamo mu gace ka Tai Po, yahitanye imbaga nyamwinshi abandi barengerwa n’iyo nkongi kugeza n’ubu.

Marie Jeanne Umutoni · 27 Ugushyingo 2025

Sangiza

Kiliziya / Ku Isi

Papa Leo XIV yatangiye urugendo rwe rwa mbere rw’ubutumwa muri Turukiya

Papa Leo XIV yavuye i Roma mu gitondo cyo kuri uyu wa Kane, atangira urugendo rwe rwa mbere rwa gitumwa muri Turukiya, rugamije kugeza ubutumwa bw’amahoro n’ubumwe mu gihugu gifite uruhare rukomeye mu mibanire y’amadini n’amahanga.

Marie Jeanne Umutoni · 27 Ugushyingo 2025

Sangiza

Kiliziya / Vatikani

Karidinali Pietro Parolin, yagaragaje akamaro k’urugendo Papa Leo XIV agiye kugirira muri Turukiya na Libani

Mu gihe Papa Leo XIV yitegura urugendo rwe rwa mbere mpuzamahanga muri Turukiya no muri Libani, kuri uyu wa 26 Ugushyingo 2025, Cardinal Pietro Parolin, Umunyamabanga wa Leta ya Vatican, yatangaje ko uru rugendo ruzaba ubutumwa bw’amahoro, ubumwe n’ubwiyunge, ndetse rukaba rugamije gukomeza ukwemera n’ubutwari bw’abakirisitu bo mu Burasirazuba bwo Hagati.

Marie Jeanne Umutoni · 26 Ugushyingo 2025

Sangiza

Anyuranye / Ku Isi

Gaza mu nzira y’icyizere gishya nyuma y’ubusabe bwa Papa Leo usaba buri gihe ko inzira z’ubutabazi zifungurwa

Nyuma y’imyaka ibiri y’intambara hagati ya Hamas na Israel, ubuzima bwa benshi muri Gaza buracyari mu kaga, ariko hari ibyiringiro bito bishingiye ku bikorwa by’ubutabazi biri kugenda bisubukurwa. N'ubwo hari ibimenyetso by’uko ibiribwa bitangiye kongera kugaragara ku maduka amwe, ibikenewe biracyari bike kandi ubuzima bw’abaturage benshi, cyane cyane abagarutse mu majyaruguru ya Gaza mu kwezi k’Ukwakira, buracyari bubi cyane.

Marie Jeanne Umutoni · 25 Ugushyingo 2025

Sangiza

Kiliziya / Mu Rwanda

Kiliziya Gatolika irasaba umuryango gutega amatwi abakobwa bakiri bato mbere y’uko bahura n’ibibazo by’inda zitateganyijwe

Byagarutsweho kuwa 20 Ugushyingo 2025, mu nama yahuje abagize Komisiyo y’Umuryango, mu rwego rwo gutegura ishyirwa mu bikorwa ry’igenamigambi ry’imyaka itanu, ahaganiriwe ku ngorane zikomeye ku bibazo by’abana b’abakobwa batwara inda zitateganyijwe.

Marie Jeanne Umutoni · 24 Ugushyingo 2025

Sangiza

Kiliziya / Vatikani

Papa Leo wa XIV arasaba ko abashimuswe muri Nigeria na Cameroun barekurwa

Nyuma ya Misa ya Kristu Umwami yabereye ku rubuga rwa Mutagatifu Petero i Vatikani, ku cyumweru tariki ya 23 Ugushyingo 2025, Papa Leo wa XIV yongeye kugaragaza akababaro atewe n’ubuzima buri mu kaga kw’abanyeshuri, abapadiri n’abapasitori bashimuswe mu minsi mike ishize muri Nigeria na Cameroun asaba ko barekurwa bidatinze.

Marie Jeanne Umutoni · 24 Ugushyingo 2025

Sangiza

Kiliziya / Mu Rwanda

Serivisi y’Ubusugire bw’Ingo iracyahanganye n’inzitizi nyinshi

Kuri uyu wa Kane tariki ya 20 Ugushyingo 2025, mu rugo rw’ababikira b’abadominikani (Soeurs Dominicaines Missionnaires d’Afrique) ruherereye ku Irebero mu Mujyi wa Kigali, hasorejwe Inama y’iminsi ibiri ya Komisiyo y’Umuryango

Marie Jeanne Umutoni · 20 Ugushyingo 2025

Sangiza

Kiliziya / Mu Rwanda

Abepiskopi batangaje insanganyamatsiko y’Icyumweru cy’Uburezi 2025–2026 igira iti“Ndera neza, nkure neza, nkore neza”.

Buri mwaka w’amashuri, Inama y’Abepiskopi Gatolika mu Rwanda (CEPR) itangaza insanganyamatsiko igenera Icyumweru cy’Uburezi Gatolika. Iyo nsanganyamatsiko iyobora ibikorwa, inyigisho n’ubutumwa bigamije gushimangira uruhare rwa Kiliziya mu gutanga uburere bufite ireme, bushingiye ku ndangagaciro z’Ivanjili n’umuco nyarwanda.

Marie Jeanne Umutoni · 19 Ugushyingo 2025

Sangiza

Uburezi n'umuco / Mu Rwanda

Kaminuza Gatolika y'u Rwanda yatangije ishami rya Kigali

Kuri uyu wa Kabiri, tariki ya 18 Ugushyingo 2025, Kiliziya Gatolika mu Rwanda, yafunguye ku mugaragaro Kaminuza Gatolika y'u Rwanda (Catholic University of Rwanda CUR), ishami rya Kigali rikorera i Nyamirambo, mu Karere ka Nyarugenge.

Marie Jeanne Umutoni · 18 Ugushyingo 2025

Sangiza

Kiliziya / Mu Rwanda

Byumba: Abafurere b’Abadominikani bizihije imyaka 10 bamaze bakorera mu karere ka Nyagatare

Kuri iki  Cyumweru, tariki ya 16 Ugushyingo 2025, Umuryango w’Abafurere b’Abadominikani ukorera ubutumwa mu Karere ka Nyagatare, muri Diyosezi ya Byumba, wizihije imyaka 10 umaze uhakorera ubutumwa. Ibi birori byahujwe kandi no guhimbaza Mutagatifu Albert w’Ikirangirire, waragijwe uru rugo rw’Abadominikani.

Marie Jeanne Umutoni · 16 Ugushyingo 2025

Sangiza

Kiliziya / Ku Isi

Papa Leo wa XIV arasaba kurinda abana ingaruka z'ubwenge bukorano

Papa Leo wa XIV yaburiye ko abana n'ingimbi bari mu byago bikomeye byo kugirwaho ingaruka n'ubwenge bukorano (Artificial Intelligence), abasaba kurengerwa no gutozwa gukoresha ikoranabuhanga mu buryo bububakira, aho kuba intandaro yo kubangiriza indangagaciro.

Marie Jeanne Umutoni · 14 Ugushyingo 2025

Sangiza

Anyuranye / Ku Isi

Abepisikopi Gatolika mu Buhinde barasabira igihugu cyabo nyuma y'igitero cyahitanye abantu umunani

Nyuma y'igitero cy'ubwiyahuzi cyabereye mu murwa mukuru w'u Buhinde, i New Delhi, cyahitanye abantu umunani abandi bagakomereka, Inama y'Abepisikopi Gatolika muri iki gihugu (CBCI),yasabye abakirisitu n'Abahinde bose gusabira amahoro no gukomeza kuba maso kugira ngo birinde ibikorwa by'iterabwoba.

Marie Jeanne Umutoni · 13 Ugushyingo 2025

Sangiza